Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud.
2 O TUHAN, meriah iakap raja sabap KuasaNdu, la tanggung riahna iakapna perban kemenangen si IberekenNdu bana.
3 Sura-sura ni pusuhna IsehkenNdu, pemindonna IberekenNdu.
4 Reh Kam ndahi ia alu pasu-PasuNdu si mbelin, ItamakenNdu mahkota emas ku takalna.
5 Ipindona kegeluhen; cawir metua IberekenNdu man bana, lebihen asang si e, geluh si la erkeri-kerin pe IberekenNdu man bana.
6 Erkiteken PenampatNdu terberita kal ia, IberekenNdu bana kegeluhen si medolat.
7 Pasu-PasuNdu ngarak-ngarak ia tetap, dingen i bas adep-AdepenNdu malem atena lalap.
8 Raja ernalem man TUHAN si Meganjang, dingen erkiteken kekelengen TUHAN si tetap, la ia jurembat.
9 Itangkap raja me kerina musuh-musuhna, itangkapna me kerina si rate nembeh bana.
10 Tupung icidahkenna bana, ikernepkenna me kerina musuhna. Radas ia kerina erkiteken pernembeh ate TUHAN, dingen keri meseng ibahan api si gurlah.
11 Lanai lit sada pe kesusurenna tading, ibunuh raja me ia kerina.
12 Ibanna rencana lako erpekat ngelawan raja, tapi la seh sura-surana si jahat e.
13 Irentangna panahna man musuh-musuh e, maka mulihken dingen kiamen kerina. <21:14> - Ipuji kami Kam TUHAN perban GegehNdu si mbelin e, rende me kami dingen muji KuasaNdu pe.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA