Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ngkai maka bangsa-bangsa ngerencanaken pemberontaken? Ngkai maka kalak erpekat erbahan si sea-sea?

² Raja-rajana berontak, penguasa-penguasa erpekat ngelawan TUHAN dingen ngelawan raja si IpilihNa.

³ Nina kalak e, "Mari sipulahi banta i bas kuasana nari; mari siruntuhken kuasana."

⁴ I bas kursi KinirajanNa i Surga nari tawa TUHAN iuru-UruNa sura-sura si sea-sea.

⁵ IpersingetiNa kalak e alu PernembehNa, dingen IpebiarNa ia alu RawaNa si gara.

⁶ Nina TUHAN, "I Sion, delengKu si badia, nggo Kutangkuhken rajangKu."

⁷ Nina raja e, "Kumomoken me kai si iperentahken TUHAN. Nina TUHAN man bangku, 'Kam kap anakKu; sendah Aku kap jadi bapandu.

⁸ Pindolah, maka Kubereken man bandu kerina bangsa-bangsa; kerina doni enda kam empuna.

⁹ Alu ciken besi iperperkenndu ia kerina iripukkenndu seh getem bali ras kudin taneh.'"

¹⁰ Genduari o raja-raja, begikenlah kata persinget enda, o kam pemerentah doni, begiken pelajaren enda:

¹¹ Sembahlah TUHAN alu gentar; erjimpuhlah i lebe-LebeNa alu mbiar.

¹² Ula sempat keke RawaNa jenari rempet kam mate IbahanNa. Malem kal ate kalak si ernalem man BaNa.