Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Doding podah humbani si Daud, sanggah ibagas liang ia. Sada tonggo. (142-2) Maling do sorangku dilo-dilo bani Jahowa, gogoh do sora ni elek-elekku bani Jahowa.
2 (142-3) Huuseihon do susah ni uhurhu hu lobei-Ni, hupabotohkon do hasosakanku Bani.
3 (142-4) Galek do tonduyhu ibagas diringku, tapi Ham do na pabotoh-botoh langkahku. Bani dalan sibontasonku, itaon sidea do siding ponop bangku.
4 (142-5) Mangkawah ahu dompak siamun, tonggor ma, sahalak pe seng dong na parduli bangku; seng dong be haporusan bangku, seng dong be na manungkun pasal goluhku.
5 (142-6) Hu Bamu do ahu dilo-dilo, ale Jahowa, ningku, “Ham do parlingodanku, rupeihu bani tanoh ni halak na manggoluh.”
6 (142-7) Pardiateihon Ham ma doruh-doruhku, ai galek tumang do huahap; paluah Ham ma ahu humbani na marburu ahu, ai gogohan do sidea ase ahu.
7 (142-8) Paluah Ham ma ahu humbani tutupan, ase hupuji goran-Mu; halak parpintor do na sihol manlioti ahu, anggo ibahen Ham na madear bangku.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA