Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Humbani si Daud. Tarima kasih do hatahononku Bamu, ale Jahowa, humbani gok ni uhurhu; dodingkononku do Ham i lobei ni parnagori atas.
2 Manrogop do ahu dompak rumah-Mu na pansing in, pujionku do goran-Mu, halani idop ni uhur-Mu ampa hasintongan-Mu, ai ipabanggal Ham do goran-Mu ampa bagah-bagah-Mu mangatasi haganup.
3 Sanggah dilo-dilo ahu, ibalosi Ham do ahu; itambahi Ham do gogoh bani tonduyhu.
4 Sai Ham ma pujion ni ganup raja-raja ni tanoh on, ale Jahowa, anggo ibogei sidea ma hata ni pamangan-Mu.
5 Dodingkonon ni sidea do pasal dalan ni Jahowa, ai banggal do hasangapon ni Jahowa.
6 Tongon, timbul do Jahowa, tapi itatap do halak na malumat; halak sigijang uhur, humbani na daoh pe domma itanda.
7 Mardalan pe ahu i tongah-tongah ni hasosakan, Ham do na pagoluh ahu; iolatkon Ham do tangan-Mu dompak gila ni munsuhku, anjaha ipaluah Ham do ahu marhitei tangan-Mu siamun.
8 Jahowa do na pasaloseihon bangku. Ham Jahowa, ronsi sadokah ni dokahni do idop ni uhur-Mu. Ulang ma tadingkon Ham jadi-jadian ni tangan-Mu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA