Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Doding laho tangkog. Humbani hasosakan bagas do ahu, doruh-doruh Bamu, ale Jahowa.

² Ham Tuhan, tangihon Ham ma sorangku, sai ipardiatei pinggol-Mu ma sora ni elek-elekkon.

³ Anggo ihira Ham ganup dousa, ale Jahowa, ise ma na tahan jongjong, ale Jahowa?

⁴ Tapi Bamu do hasasapan ni dousa, ase ihabiari halak Ham.

⁵ Mangarap do ahu bani Jahowa, mangarap do tonduyhu, hata-Ni do na hupaima-ima.

⁶ Siholan do tonduyhu bani Tuhan, lobih humbani sihol ni parjaga bani siang ni ari, bani siang ni ari tongon.

⁷ Arapkon ma Jahowa, ale Israel! Ai bani Jahowa do idop ni uhur, anjaha buei do haluahon Bani.

⁸ Tongon, Ia do na paluahkon Israel, humbani haganup dousani.