Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kaangguy pamimpinna koor. Menorot nyanyeyan se kapeng ballu’. Jaburra Daud. (12-2) Nyo’ona tolong abdidalem, GUSTE, sabab ampon tadha’ pole oreng se sae, se esto ka Junandalem ampon tadha’ sakale.
2 (12-3) Sadaja padha saleng acaca lecek, saleng nepo sareng ca’-oca’ se manes.
3 (12-4) Paambuwagi oreng se ca-nyacae, Guste PANGERAN, dunggemmagi oreng se raja cacana,
4 (12-5) se ngoca’, "Tang jila reya kobasa! Ngoca’a apa bai bisa, tadha’ oreng se bisa’a ngalang!"
5 (12-6) Dhabuna PANGERAN, "Oreng mesken etendhes odhi’na, oreng se nyangsara aserrowan. Daddi sateya keya Sengko’ dhatengnga, aberri’a kataremtemman se ete’-nante’ ba’na."
6 (12-7) Janjina PANGERAN reya koko, ekenneng andellagi, akantha salaka se morne se eoji e dhalem apoy.
7 (12-8) Oreng jahat jar-ganjir e man-dhimman, saneyap oreng ngalem kajahadanna. Namong Junandalem, GUSTE, apareng pangaoban ka abdidalem sadajana, jaga’agi abdidalem sadaja sopaja ta’ kantos gaggar ka tanangnga oreng jahat.
8 (12-9) (12:7)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA