Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Molja’agi PANGERAN! Pojur oreng alem, se atoro’ ka papakonna PANGERAN.

² Na’-ana’na bakal kobasa’a e nagara reya, toronanna oreng becce’ bakal eberkadana.

³ Sabalana bakal sogiya ban ma’mora, odhi’na bakal nyamana salanjangnga.

⁴ Tera’ nyonar e pettengnga kaangguy oreng se jujur atena kaangguy oreng se adil, se bellas ase.

⁵ Pojur oreng se lamba’ atena ban lebur jam-maenjam, sarta jujur e dhalem orosan.

⁶ Oreng becce’ masthe ahasel saterrossa, aba’na bakal ekaenga’ana salanjangnga.

⁷ Oreng jareya ta’ tako’ narema kabar juba’, atena koko lantaran parcaja ka PANGERAN.

⁸ Oreng jareya ta’ kobater otaba tako’ atena, sabab yakin mosona tanto epakala.

⁹ Dhi’-andhi’na egi-bagi, ban asandhekka ka oreng se ta’ andhi’; se elakone pera’ barang se becce’, daddi aba’na kobasa ban ehormat oreng.

¹⁰ Oreng jahat nangale’e, laju peggel atena; gigina ngaret dhari baji’na. Reng-oreng jareya pas padha mate; pangarebbanna elang mosna salanjangnga.