Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Humbani si Daud. Sada Psalm. Nini Jahowa do hubani tuanku; Hundul ma ho husiamun-Kon, paima Hubahen munsuhmu gabe sidogeian ni naheimu.
2 Tungkot kuasamu surdukkonon ni Jahowa do hun Sion: Mamarentah ma ham i tongah-tongah ni munsuhmu!
3 Marurup ma bangsamu roh humbani megah ni uhurni bani ari parporanganmu, marpakeian na ma pansing songon namur hubani abingan ni buha siang ari, roh balamu na maposo hu bamu.
4 Domma marbija Jahowa anjaha seng anjai solsolan-Ni diri-Ni: Malim do ho ronsi sadokah ni dokahni domu songon si Melkisedek.
5 Tuhan do i siamunmu, irosaki do raja-raja bani arini manringis.
6 Manguhum do Ia itongah-tongah ni bangsa-bangsa, gabe radag ma bangkei; irosaki do ulu bani sampalan bolag.
7 Humbani bah na i topi dalan do Ia minum, marhitei ai gabe dirgak ma uluni.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA