Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud; ende-enden.
2 Nggo tetap kal ukurku, o Dibata. Ateku rende dingen muji Kam.
3 Kekeken o tendingku! Kekelah, o kulcapingku dingen murdapku. Kuingeti ateku matawari erpagi-pagi.
4 TUHAN, kukataken bujur bandu i tengah-tengah bangsa-bangsa, kupuji ateku Kam i bas bangsa manusia kerina.
5 Keleng AteNdu si tetap ganjangen asangken langit, PertetapNdu seh ku bas awang-awang.
6 O Dibata, cidahkenlah KinibelinenNdu i datas awang-awang, dingen KemulianNdu i belang-belang doni enda.
7 Pulahi aku alu KuasaNdu, dengkehken pertotonku, pulahi kalak si IkelengiNdu.
8 I bas InganNa si badia nari erpadan TUHAN, "Alu ukur meriah kubagi-bagiken Sikem, dingen Baluren Sukot Kubagiken man bangsangKu.
9 Gileat ras Manase Aku empuna, Eperaim kap topi wajangKu, Juda eme tongkat kinirajanKu.
10 Tapi Moap eme ingan lau perburihenKu, tandana ia sikerajangenKu. Jenari man Edom Kubenterken sulampakKu ersurak-surak Aku perban Pilisti nggo Kutaluken."
11 O Dibata, ise mabai aku ku Edom? Ise mabai aku ku negeri si erbenteng e?
12 Tuhu kin nggo kami ItadingkenNdu? La kin AteNdu ikut erperang radu ras tentera kami?
13 Sampati kami ngimbangi musuh, sabap penampat manusia sia-sia nge. <108:14> - Adi Kam ras kami, o Dibata menang me kami; Kam kap si naluken musuh kami.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA