Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O TUHAN, ngkai maka ndauh kal Kam? Tupung kami i bas kiniseran, ngkai maka Kam cebuni?
2 Kalak jahat megombang, iayak-ayakna kalak musil; itangkapna kalak musil alu siding si nggo ibahanna.
3 Megah iakap kalak jahat kerna kejahatenna, kalak rangap numpahi dingen nulak TUHAN.
4 Kalak jahat la diatena pe TUHAN; alu megombang rukur ia maka TUHAN labo kai-kai pe.
5 La iertina pengukumen Dibata, sangap ia i bas kai pe; itokoh-tokohina musuh-musuhna.
6 Nina i bas ukurna, "Labo aku banci bene, labo ndigan pe aku ndat kiniseran."
7 Rananna dem alu ancamen, kata la tuhu dingen sumpah. Meter kal ia melasken ranan meser ras jahat.
8 Cebuni ia i bas kuta-kuta, nggempangi kalak si la ersalah. Iintipna kalak si la ergegeh,
9 desken sada singa nggempangi i bas rumah, itimaina kalak musil-musil; irigepna i bas sidingna jenari isarenkenna.
10 Kalak medanggel iripukkenna, alu gegehna ijerngemna.
11 Rukur kalak jahat i bas ukurna, "Labo aku iperdiateken Dibata! IpitpitkenNa nge MataNa emaka labo aku IdahNa!"
12 O TUHAN, ukumlah kalak jahat! Ingetlah kalak si mesera!
13 Uga maka kalak jahat megombang man TUHAN? nina i bas ukurna, "Labo aku iukum TUHAN."
14 Tapi kerina kap IdahNdu. Kalak mesera dingen rate ceda, IperdiatekenNdu. Katawari pe enggit kam nampatisa. Kalak medanggel ngendesken dirina man BaNdu; lalap kap ia IsampatiNdu.
15 Perperken kuasa penjahat, la kap mehuli ukurna, ukum ia kerina rikutken kejahaten si nggo ibahanna, maka lanai ia banci erbahan jahat.
16 Rasa lalap seh rasa lalap TUHAN kap raja kalak si nembah man dibata-dibata si deban, masap me i bas NegeriNa nari.
17 TUHAN, pertoton kalak si peteruk bana, ibegikenndu kap, ipetetap Kam ukurna.
18 Sora serko si itindih dingen anak melumang IdengkehkenNdu, hakna IbelaNdu gelah manusia si ermasap-masap lanai banci erbahan jahat.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA