Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kacara’dekanga ambangummi balla’, siagang napaenteng tujua bentenna.
2 Ammolommi olo’-olo’ niparakai untu’ assua’-suara’, appare’ je’ne’ anggoro’ siagang appasadia kanre nipatala.
3 Sikamma palayang bainea nasuroi a’lampa untu’ akkiok-kio’ battu ri tampa’-tampa’ tinggia ri kotaya angkana,
4 "Inai-nai tena pangalamanna, mae mako anrinni!" Mae ri tau tenaya akkala’ baji’na, nakana kacara’dekanga,
5 "Umba nanipinyamangngi kanreku siagang nukasia’ anggoro’ kupareka.
6 Bokoi kadongokanga, sollannu attallasa’ mate’ne. Pinawangi oloanna tau cara’deka."
7 Punna tau taeroka niajara’ nupicinikiang kasalanna, lanakakkaliko. Punna nukalarroi tau ja’dalaka, lanapakka’-pakkanaiko.
8 Teako callai tau taeroka niajara’, saba’ lanakabirisiko. Mingka punna tau cara’de’ nupicinikiang kasalanna, lanapakala’birikko.
9 Punna tau cara’de’ nupakainga, pila’ la’jari katambangi cara’de’na. Siagang punna tau mannuruki ri Allata’ala nuajara’, pila’ lakatambangi pangngassenganna.
10 Untu’ a’jari cara’de’ uru-urua parallu niparhatikang iamintu parallui taua mappakala’biri’ siagang malla’ mae ri Batara. Punna nuassengi Kaminang Matangkasaka, langgappako pammahang.
11 Kacara’dekanga lanasareko la’bu umuru’.
12 Punna kacara’dekang nupatang, ikau kalennu laupa’. Mingka punna nusorongboko kacara’dekanga, ikau tonji pole napakarugi.
13 Anjo kadongokanga sangkammai baine pote tenaya pangalamanna siagang tena nangngasseng siri’.
14 Tampa’na iamintu pakke’bu’ balla’na yareka pakke’bu’ lompona kotaya.
15 Battu anjorengi akkio’ mae ri tau numaloa. Tau lambusu’ pa’maika nanyonyoki nakana,
16 "Umba assengkako, he ikau ngaseng tau tenayapa pangalamannu!" Nampa mae ri tau tenaya akkala’ baji’na nakana,
17 "Je’ne’ nilukkaka te’nei kasia’na, siagang kanre nikanre cokko-cokkoa nyamangangngangi kasia’na."
18 Anjo tau nagappaya tanaassengai kalenna angkana tau battua ri anjo bainea lanarapi’mi a’jala’na anjoreng; siagang inai-nai antama’mo ri balla’na, sangkammami angkana antamaki ri linona tau matea.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA