Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tupung paksa ngudandu, ingetlah si Nepa kam, ope denga seh tahun-tahun si dem alu kiniseran. Tupung si e pagi bagenda nge nindu, "La kal meriah nggeluh enda."
2 Adi nggo pagi seh paksa si e matandu pe nggo seleng, seh maka magem iakapndu sinalsal terang matawari, bulan dingen bintang-bintang. Embun si gelap lalap ngikut-ngikut kam.
3 Tanndu nggirgir lanai ngasup nampar. Nahendu si paguh kote me lanai ergegeh. Ipenndu nggo naktak lanai ngasup cingatngat. Matandu seleng erbahanca meriben pengenenndu.
4 Sora meriah idalan-dalan lanai megang ibegindu. Sora gendang dingen penggilingen page lanai terbegi. Lanai ntabeh pertunduhndu. Sora perik-perik pe erbahanca kam medak.
5 Ingan si meganjang mbiar kam, emaka terpaksa manjar-anjar perdalanndu. Takalndu ubanen janah nahendu isaren-saren tupung erdalan. Dingen kerina kerincuhen lanai lit. Perlawesta eme kempak pengadi-ngadin si rasa lalap, gedang-gedang dalan kalak erceda ate janah ngandung-ngandung.
6 Rante pirak sirang me; lampu emas ndabuh jenari meripuk; tinali si enteguhna pe retap, kudin taneh perper merap marpar.
7 Badanta mulihken jadi abu asalna ndube. Kesah mulih ku Dibata sabap Ia nai si merekenca man banta.
8 Emaka ningku, kerina e sia-sia, kai pe la lit gunana, kai pe la lit ertina.
9 Si Pengerana enda erpemeteh mbages dingen pentar. Emaka iajarkenna manusia kerina si ietehna. Melala pengajaren ipelajarina, jenari iujina payo ntah lang.
10 Idaramina kata-kata si ngasup mereken pengapul, tapi kata si isuratken bujur kap.
11 Ranan kalak pentar enda bali kap ras ciken permakan si entelap, ciken si ipakena naruhken biri-birina. Ajar dingen pedah si ipepulungna paguh dingen nteguh desken paku si ipatukken mbages. Kerina e perbahanen Dibata nge. Ia kap ngenca permakanta si tuhu-tuhu.
12 O anakku, lit sada nari si perlu kal ipergermetkenndu. Kitap la lit tampukna, janah melala erlajar mahanca latih daging.
13 Kenca kerina nggo kutimbang, enda me tampukna si kudat. Erkemalangenlah man Dibata dingen patuh man PeratenNa, sabap guna si e saja me manusia itepa.
14 Dibata kap si ngerunggui kerina perbahanennta; si mehuli ntah si la mehuli, bage pe si terbuni.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA