Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Saba’ pessena ba’na e dhalem usaha e nagara manca, tanto e budhi are ba’na olle kaontonganna.
2 Saba’ bandhana ba’na e pan-barampan usaha dagang; nyare usaha sanya’-bannya’na. Sabab oreng kodu aga-jaga sabellunna dhateng mosiba.
3 Mon kajuwan robbu, addhep dha’ emma’a bai parobbuna tanto malang e kennengnganna parobbuna keya. Mon ondhem agandhu’ aeng sampe’ sarat, tanto ojan derres gaggar ka bume reya.
4 Mon oreng anante’ angen ban mosem sampe’ samporna, ta’ kera tao rassana namen ban molong hasella.
5 Allah se agabay sakabbinna, manossa ta’ kera ngarte ka se elampa’agi Salerana; ban ta’ kera ngarte keya baramma tombuna mahlok se anyar e dhalem gandhu’anna ebuna.
6 Tabur ne-binena ba’na e baja laggu, maske la malem ja’ sampe’ ambu. Sabab ba’na ta’ tao taburan se kemma se bagus tombuna. Olle daddi se etabur malem ban se etabur seyang padha samporna tombuna.
7 Tera’na are masenneng ate; saapa gumbirana mon bisa ngarassa’agi nyamanna.
8 Ba’na kodu asokkor mon atamba omor. Tape senga’, maske ba’na abit odhi’ e bume, baktona ba’na e alam maot jang abidan pole. Daddi apa pole se earebba? Jareya kabbi parcoma ban tadha’ gunana.
9 Para ngangodhadan, ne’madi odhi’na ba’na gi’ ngodhana. Pagumbira saabidda ba’na gi’ ta’ towa. Torodi apa pangaterrona ba’na, jalannagi sakabbinna neyadda atena. Tape kaenga’e, Allah se badha e sowarga, pagi’ ngadilana sabarang lalakonna ba’na.
10 Buwang kakobateran ban kasossa’anna dhari atena, sabab bakto ngodha reya ta’ saapa abidda.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA