Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Berekenlah ertandu man kalak si ndauh i kepar lawit i bas sada paksa denggo ibereken Dibata man bandu untungna.
2 Tamakenlah duitndu i bas piga-piga usaha -- tuhu, i bas mbue usaha -- sabap la itehndu cilaka si banci reh bandu i babo doni enda.
3 Kempak apai pe perbulak batang kayu, tetap nge ampar i bas inganna mbulak. Adi embun nggo dem lau, ndabuh me udan meder.
4 Kalak si nimai mehuli lebe wari, lalap ia la merdang, lalap la rani.
5 Kai pe Dibata si njadikenca janah la terantusi pe. La iangkandu PerbahanenNa. Bagi la iangkandu pemenan kegeluhen i bas bertin.
6 Tupung erpagi-pagi arus kam merdang bage ka lah perbahanenndu tupung berngi. Sabap la sieteh apai si mehulina perturahna, banci jadi duana mehuli perturahna.
7 Sinalsal matawari erbahan meriah ate, seh kal senangna kune ngasup kita ngenanamisa.
8 Katakenlah bujur, adi tambah umurndu. Tapi inget, aminna ndekah gia kam nggeluh i bas pertibi enda, dekahen denga ka nge kam ringan i bas doni kematen. Dage, kai si banci iarapken? Kerina percuma dingen sia-sia.
9 O kalak si nguda denga, meriahlah atendu! Meriahlah atendu tupung kam nguda denga. Lakokenlah kai si atendu ilakokenndu, dingen ikutkenlah sura-sura pusuhndu. Tapi inget maka Dibata kap si ngadili kerina kai si ibahanndu.
10 Ula pelepas dirindu i bas aru ate ras ukur gulut. Sabap kengudanndu labo kap ndekah.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA