Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ I bas wari si pemena bulan si pepituken kam arus pulung erbahan kebaktin, janah la banci erdahin. I bas wari e terompet-terompet arus iembus.

² Endesken sada persembahen tutungen man TUHAN, si merim IakapNa bauna: sada jenggi lembu si nguda denga, sada bajar biri-biri, ras pitu anak biri-biri bajarna umur sada tahun, kerina si la lit man pandangen.

³ Bahan persembahen buah gandum si payo i bas tepung nari si icampur ras minak saitun: telu kilo tepung ras jenggi lembu e, dua kilo ras bajar biri-biri,

⁴ janah sada kilo ras tep-tep anak biri-biri.

⁵ Tole persembahken sada bajar kambing jadi persembahen pengalemi dosa, janah alu bagenda bahan acara pembersihen dosa man bangsa e.

⁶ Persembahkenlah si enda kerina jadi tambahen persembahen tutungen si biasa ibahan i bas wari si pemena tep-tep bulan ras persembahen anggurna, bage pe persembahen tutungen si tep-tep wari ras persembahen buah gandum ras persembahen anggurna. Persembahen-persembahen enda merim bauna iakap TUHAN.

⁷ Pulunglah erbahan kebaktin i bas wari pesepuluhken bulan si pepituken; i bas wari e kai pe la banci ipanndu janah ula erdahin.

⁸ Bahan persembahen tutungen man TUHAN, si merim IakapNa bauna: sada jenggi lembu si nguda denga, sada bajar biri-biri, ras pitu anak biri-biri bajarna umur sada tahun, kerina si la lit sitik pe man pandangen.

⁹ Bahan persembahen buah gandum si payo i bas tepung nari icampur ras minak saitun: telu kilo tepung ras jenggi lembu e, dua kilo ras bajar biri-biri,

¹⁰ janah sada kilo ras tep-tep anak biri-biri.

¹¹ Tole persembahken sada bajar kambing jadi persembahen pengalemi dosa, tambah-tambah kambing si ipersembahken i bas acara pembersihen dosa man bangsa e, ras persembahen tutungen si tep-tep wari bage pe persembahen buah gandum ras anggurna.

¹² Pulunglah erbahan kebaktin i bas wari pesepululimaken bulan si pepituken. Pestakenlah perayan enda guna mereken kemulian man TUHAN pitu wari dekahna, janah ula erdahin.

¹³ I bas wari si pemena enda persembahken persembahen pangan man TUHAN, si merim iakapna bauna: sepulu telu jenggi lembu nguda denga, dua bajar biri-biri, ras sepulu empat anak biri-biri bajarna umur sada tahun, kerina si la lit sitik pe man pandangen.

¹⁴ Bahan persembahen buah gandum si payo i bas tepung nari icampur ras minak saitun: telu kilo tepung ras tep-tep jenggi lembu, dua kilo ras tep-tep bajar biri-biri,

¹⁵ dingen sada kilo ras tep-tep anak biri-biri.

¹⁶ Tole persembahken sada bajar kambing jadi sada persembahen pengalemi dosa. Persembahkenlah enda kerina jadi tambahen persembahen tutungen si tep-tep wari bage pe persembahen buah gandum ras persembahen anggurna.

¹⁷ I bas wari si peduaken persembahken sepulu dua jenggi lembu si nguda denga, dua bajar biri-biri, ras sepulu empat anak biri-biri bajarna umur sada tahun, kerina si la lit man pandangenna.

¹⁸ Radu ras si e, persembahken pe kerina persembahen-persembahen si deban si iperluken i bas wari si pemena.

¹⁹ (Bil 29:18)

²⁰ I bas wari si peteluken persembahken sepulu sada jenggi lembu si nguda denga, dua bajar biri-biri ras sepulu empat anak biri-biri bajarna umur sada tahun, kerina si la lit sitik pe man pandangen.

²¹ Radu ras si e persembahken pe kerina persembahen si deban si iperluken i bas wari si pemena.

²² (Bil 29:21)

²³ I bas wari peempatken persembahken sepuluh jenggi lembu nguda, dua bajar biri-biri, ras sepulu empat anak biri-biri bajarna umur sada tahun, kerina si la lit sitik pe man pandangen.

²⁴ Radu ras si e, persembahken pe kerina persembahen si deban si iperluken i bas wari si pemena.

²⁵ (Bil 29:24)

²⁶ I bas wari si pelimaken persembahken siwah jenggi lembu si nguda, dua bajar biri-biri, ras sepulu empat anak biri-biri bajarna umur sada tahun, kerina si la lit sitik pe man pandangen.

²⁷ Radu ras si e, persembahken pe kerina persembahen si deban si iperluken i bas wari si pemena.

²⁸ (Bil 29:27)

²⁹ I bas wari peenemken persembahken waluh jenggi lembu nguda, dua bajar biri-biri, ras sepulu empat anak biri-biri bajarna umur sada tahun, kerina si la lit sitik pe man pandangen.

³⁰ Radu ras si e, persembahken pe kerina persembahen-persembahen si deban si iperluken i bas wari si pemena.

³¹ (Bil 29:30)

³² I bas wari si pepituken persembahken pitu jenggi lembu nguda, dua bajar biri-biri, ras sepulu empat anak biri-biri bajarna umur sada tahun.

³³ Radu ras si e, persembahken pe kerina persembahen-persembahen si deban si iperluken i bas wari si pemena.

³⁴ (Bil 29:33)

³⁵ I bas wari pewaluhken pulung lah erbahan kebaktin janah la banci erdahin.

³⁶ Bahan persembahen tutungen jadi sada persembahen pangan man TUHAN, si merim IakapNa bauna: sada jenggi lembu nguda, sada bajar biri-biri, ras pitu anak biri-biri bajarna umur sada tahun, kerina si la lit sitik pe man pandangen.

³⁷ Radu ras si e, persembahken pe kerina persembahen si iperluken i bas wari si pemena.

³⁸ (Bil 29:37)

³⁹ Enda me peraturen kerna persembahen tutungen, persembahen buah gandum, persembahen anggur, ras persembahen persadan si arus ibahanndu man TUHAN i bas perayan-perayanndu si nggo itentuken. Si enda kerina eme tambahen persembahen-persembahen si iberekenndu i bas nehken padan si ibahanndu man TUHAN ntah pe persembahen-persembahen riah ukur.

⁴⁰ Emaka ituriken Musa man bangsa Israel kerina si nggo ipedahken TUHAN man bana.

Bilangan

Video Bilangan 29

Ikuti Kami:

KONTAK | PARTISIPASI | DONASI