Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Bani ari sada bulan pitu maningon pamasaonnima do bennima sada tumpuan na mapansing; seng bulih horjahononnima ijai age aha horja ari-ari, ari partarompitan do ai bennima.

² Maningon galangkononnima do ijai sada anak ni lombu, sada biribiri tunggal, pitu anak ni biribiri na marumur satahun, sagala na so martikas, bahen galangan situtungon, uap na misbou bani Jahowa;

³ sonai homa itak na lumat, na niagu pakon minak bahen galangan sipanganon, tolu parsapuluh efa antup ni lombu ai, dua parsapuluh antup ni biribiri tunggal ai;

⁴ anjaha saparsapuluh antup ni ganup biribiri na pitu ai;

⁵ rap pakon hambing tunggal sada bahen galangan pardousaon, mambahen pardearan bennima;

⁶ sobali galangan situtungon bani poltak ni bulan rap pakon galangan sipanganonni, tambah ni galangan situtungon na manongtong rap pakon galangan sipanganonni ampa galangan siinumonni, romban hubani aturanni, bahen uap na misbou, galangan apuy bani Jahowa.

⁷ Bani ari sapuluh bani bulan pitu maningon pamasaonnima do bennima sada tumpuan na mapansing, anjaha maningon paundukonnima do uhurnima ijai, horja aha pe lang boi horjahononnima ijai.

⁸ Maningon galangkononnima do ijai sada anak ni lombu, sada biribiri tunggal, pitu anak ni biribiri na marumur satahun, sagala na so martikas, bahen galangan situtungon, uap na misbou bani Jahowa,

⁹ rap pakon itak na lumat, na niagu pakon minak, bahen galangan sipanganon, tolu parsapuluh efa antup ni lombu ai, dua parsapuluh antup ni biribiri tunggal ai,

¹⁰ anjaha saparsapuluh antup ni ganup anak ni biribiri na pitu ai;

¹¹ sonai homa sada hambing tunggal bahen galangan pardousaon sibahen pardearan ai, tambah ni galangan situtungon na manongtong rap pakon galangan sipanganonni, ampa galangan siinumonni.

¹² Bani ari sapuluh lima bulan pitu maningon pamasaonnima do bennima sada tumpuan na mapansing, age sada horja ari-ari seng bulih horjahononnima ijai, maningon marari-raya hanima bani Jahowa pitu ari dokahni;

¹³ anjaha maningon galangkononnima do sapuluh tolu anak ni lombu, dua biribiri tunggal, sapuluh ompat anak ni biribiri na marumur satahun, sagala na so martikas, bahen galangan situtungon, sada galangan apuy, uap na misbou bani Jahowa;

¹⁴ rap pakon itak na lumat, na niagu pakon minak, bahen galangan sipanganon tolu parsapuluh efa antup ni ganup anak ni lombu na sapuluh tolu ai, dua parsapuluh bani ganup biribiri tunggal na dua ai,

¹⁵ anjaha saparsapuluh antup ni ganup anak ni biribiri na sapuluh ompat ai;

¹⁶ sonai homa sada hambing tunggal bahen galangan pardousaon tambah ni galangan situtungon na manongtong rap pakon galangan sipanganonni ampa galangan siinumonni.

¹⁷ Anjaha bani ari paduahon: Sapuluh dua anak ni lombu, dua biribiri tunggal sapuluh ompat anak ni biribiri na marumur satahun, na so martikas,

¹⁸ rap pakon galangan sipanganonni pakon galangan siinumonni antup ni anak ni lombu ai, antup ni biribiri tunggal pakon antup ni biribiri ai, marguru hubani bilanganni bei, romban hubani aturanni;

¹⁹ sonai homa hambing tunggal bahen galangan pardousaon, tambah ni galangan situtungon na manongtong rap pakon galangan sipanganonni ampa galangan siinumonni.

²⁰ Anjaha bani ari patoluhon: Sapuluh sada anak ni lombu, dua biribiri tunggal, sapuluh ompat anak ni biribiri na marumur satahun, na so martikas,

²¹ rap pakon galangan sipanganonni pakon galangan siinumonni, antup ni lombu ai, antup ni hambing tunggal pakon anak ni biribiri ai, marguru hubani bilanganni bei, romban hubani aturanni,

²² sonai homa sada hambing tunggal bahen galangan pardousaon, tambah ni galangan situtungon na manongtong rap pakon galangan sipanganonni pakon galangan siinumonni.

²³ Anjaha bani ari paompatkon: Sapuluh anak ni lombu, dua biribiri tunggal, sapuluh ompat anak ni biribiri na marumur satahun, na so martikas,

²⁴ rap pakon galangan sipanganonni pakon galangan siinumonni, antup ni lombu ai, antup ni biribiri tunggal pakon antup ni anak ni biribiri ai, marguru hubani bilanganni bei, romban hubani aturanni;

²⁵ sonai homa sada hambing tunggal bahen galangan pardousaon, tambah ni galangan situtungon na manongtong rap pakon galangan sipanganonni pakon galangan siinumonni.

²⁶ Anjaha bani ari palimahon: Siah anak ni lombu, dua biribiri tunggal, sapuluh ompat anak ni biribiri na marumur satahun, na so martikas,

²⁷ rap pakon galangan sipanganonni pakon galangan siinumonni, antup ni anak ni lombu ai, antup ni biribiri tunggal pakon antup ni anak ni biribiri ai, marguru hubani bilanganni bei, romban hubani aturanni;

²⁸ sonai homa sada hambing tunggal bahen galangan pardousaon, tambah ni galangan situtungon na manongtong rap pakon galangan sipanganonni ampa galangan siinumonni.

²⁹ Anjaha bani ari paonomkon: Ualuh anak ni lombu, dua biribiri tunggal, sapuluh ompat anak ni biribiri na marumur satahun, na so martikas,

³⁰ rap pakon galangan sipanganonni pakon galangan siinumonni, antup ni anak ni lombu ai, antup ni biribiri tunggal pakon antup ni anak ni biribiri ai, marguru hubani bilanganni bei, romban hubani aturanni;

³¹ sonai homa sada hambing tunggal bahen galangan pardousaon, tambah ni galangan sipanganonni na manongtong rap pakon galangan sipanganonni ampa galangan siinumonni.

³² Anjaha bani ari papituhon: Pitu anak ni lombu, dua biribiri tunggal, sapuluh ompat anak ni biribiri na marumur satahun, na so martikas,

³³ rap pakon galangan sipanganonni pakon galangan siinumonni, antup ni anak ni lombu ai, antup ni biribiri tunggal pakon antup ni anak ni biribiri ai, marguru hubani bilanganni bei, romban hubani aturanni;

³⁴ sonai homa sada hambing tunggal bahen galangan pardousaon, tambah ni galangan situtungon na manongtong rap pakon galangan sipanganonni ampa galangan siinumonni.

³⁵ Anjaha bani ari paualuhkon, ijai ma pamasaon partumpuan ai, age sada horja ari-ari seng bulih horjahononnima ijai,

³⁶ tapi maningon galangkononnima do sada anak ni lombu, sada biribiri tunggal, pitu anak ni biribiri na marumur satahun, na so martikas, bahen galangan situtungon, galangan apuy, uap na misbou bani Jahowa,

³⁷ rap pakon galangan sipanganonni ampa galangan siinumonni, antup ni lombu ai, antup ni biribiri tunggal pakon antup ni anak ni biribiri ai, marguru hubani bilanganni bei, romban hubani aturanni;

³⁸ sonai homa sada hambing tunggal bahen galangan pardousaon, legan ni galangan situtungon na manongtong rap pakon galangan sipanganonni pakon galangan siinumonni.

³⁹ On ma galangan sigalangkononnima bani Jahowa bani ari rayanima, tambah ni bagah-bagahnima pakon sibere-bere niojur ni uhurnima, bahen galangan situtungon, galangan sipanganon, galangan siinumon pakon galangan pardameian bennima.

⁴⁰ Dob ai ipadas si Musa ma hubani halak Israel haganup na dob tinonahkon ni Jahowa hubani si Musa.

Bilangan

Video Bilangan 29

Ikuti Kami:

KONTAK | PARTISIPASI | DONASI