Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 (4-14) He pandhudhu’ Yerusalim, nyo’on pagu-onggu me’ olle Pangeran nolong ba’na! Sengko’ ban ba’na sateya reya teppa’na ekeppong! Moso teppa’na nyerrang pamimpinna Isra’il!
2 (5-1) PANGERAN adhabu, "He, Betlehem Efrata, ba’na sala settong dhari kottha se paleng kene’ e Yehuda! Tape dhari ba’na Sengko’ makalowara settong pangobasa kaangguy Isra’il se asal osolla dhari jaman lamba’."
3 (5-2) Daddi bi’ PANGERAN ommadda epannengnga ekobasae so-mosona sampe’ pangobasa jareya elahirragi bi’ babine’ se la etantowagi daddiya ebuna. Saellana jareya reng-oreng sabangsana se badha e pambuwangan bakal epasettonga pole ban bangsana.
4 (5-3) Mon pangobasa jareya rabu, Salerana bakal marenta’a ommadda kalaban kakowadan ban kakobasa’an dhari Allahna dibi’. Ommadda bakal amana odhi’na sabab sakabbinna oreng e dunnya bakal ngakone kaagunganna,
5 (5-4) ban Salerana bakal aparenga kataremtemman. Mon tantara Asyur nyerrang nagarana sengko’ ban ba’na sarta abeddhul partahananna, sengko’ ban ba’na makalowara para pamimpin se paleng kowat kaangguy merrange tantara Asyur jareya. Pamimpinna sengko’ ban ba’na jareya kabbi bakal makala’a Asyur kalaban kakowadanna sanjata, sarta masalamet sengko’ ban ba’na dhari tanangnga Asyur jareya.
6 (5-5) (5:5)
7 (5-6) Karena oreng Isra’il se gi’ odhi’ bakal daddiya akantha ebbun se cellep dhari PANGERAN kaangguy bangsa sabannya’na, ban akantha toronna ojan se ngenneng ka men-tamennan. Reng-oreng jareya bakal nyandhara ka Allah, banne ka manossa.
8 (5-7) Oreng Isra’il se gi’ apolong ban sa-bangsa bakal padha’a ban macan se apolong ban ban-keban se badha e dhalem alas otabana se apolong ban ba-dumba e talon. Macan jareya maso’ ka kennengnganna ba-dumba jareya sambi nyek-ngenyek tor bit-nyebbit; tadha’ se bisa’a ngocol ba-dumba jareya.
9 (5-8) Isra’il bakal makala’a so-mosona sarta maancora mosona jareya kabbi.
10 (5-9) PANGERAN adhabu, "E bakto jareya Sengko’ mamosna’a jaranna ba’na kabbi, sarta marosaga ta-kareta perrangnga ba’na.
11 (5-10) Tha-kottha se abinteng e nagarana ba’na bi’ Sengko’ epaancora, ban sakabbinna partahananna ba’na epagujura.
12 (5-11) Mat-jimadda ba’na bi’ Sengko’ epamosna’a kabbi ban kang-tokang tennongnga epanyengla’a.
13 (5-12) Ca-arcana ba’na sarta gu-tuguna se karamat bi’ Sengko’ epaancora; ba’na ta’ kera nyemba rang-barang gabayanna tanangnga ba’na dibi’ pole.
14 (5-13) Gu-tuguna Dewi Asyera e nagarana ba’na bi’ Sengko’ eparobbuwa, ban tha-kotthana se badha bintengnga bi’ Sengko’ epaancora.
15 (5-14) E dhalem kapeggellanna Tang ate se la ta’ kabuwa’ Sengko’ malessa kajahadanna sakabbinna bangsa se ta’ ta’at ka Sengko’."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA