Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ [Diberu-diberu] O kam singuda-nguda si mejilena, ku ja perlawesna impalndu? Turiken man kami, maka kami ikut ndaramisa.

² [Diberu] Impalku e lawes ku reba, i jah turah melala rempah-rempah i bas peken e ipermakanina biri-birina, janahna pepulung bunga encole. Impalku e aku empuna, dingen aku pe ia empuna.

³ (Kid 6:2)

⁴ [Dilaki] O impalku kam gayang kal bali ras kota Tirsa, desken Jerusalem si mejile! Hebat desken pasuken tentera ras panji-panjina.

⁵ Ula min tatapndu aku, sabap jengang aku perbahan pengenenndu. Bukndu miap-iap desken rarasen asuh-asuhen, si nusur i das uruk-uruk Gileat nari.

⁶ Ipenndu mbentar ersinalsal, bali bentarna ras biri-biri si mbaru denga iperidi. Kuh janah serta, kerina enteguh dingen ratur.

⁷ Pipindu mberu bagi galiman itamburi bulungna, itutupi selendang teridah rupandu mejile.

⁸ Aminna pe lit enem puluh kemberahen raja, tambah gundikna waluh puluh nari, ras singuda-nguda si la terbeligai buena,

⁹ tapi sada ngenca ateku jadi, gayang kal ia desken merpati, anak si sada si ikelengi nandena. Ia kalak sikap janah kerina diberu mujikenca, subuk kemberahen bage pe gundik raja, mejile iakapna ia.

¹⁰ Lawes aku ku peken kenari, kuperdiateken tunas-tunas si turah i bas berneh-berneh; ntah mawen nggo erpucuk batang anggur ntah mawen nggo erbunga batang galiman. Ise kin ndia si penatapna desken matawari sangana pultak, desken bulan purnama si lanai tanggung jilena, bali ras matawari si sangana har-har?

¹¹ (Kid 6:10)

¹² Nggirgir aku, mejehe aku man keleng atendu, desken kalak pergereta perang merincuh erperang.

¹³ [Diberu-diberu] Landek, landek o beru Sulam, bahan maka kuidah kam landek. [Diberu] Ngkai maka kam merhat ngidah perlandekku i tengah-tengah kalak si ndedah-ndedah?

Kidung Agung

Video Kidung Agung 6

Ikuti Kami:

KONTAK | PARTISIPASI | DONASI