Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Iaminne pattottoranna sossoranna Adam. [Ri wattu Napa'jarina Allata'ala rupataua, Napa'jari sanrapangi ke'nanga KalenNa Allata'ala.
2 Napa'jari ke'nanga bura'ne siagang baine. Nabarakkaki ke'nanga siagang Naarengi ke'nanga "Tau".]
3 Ri wattunna 130 taung umuru’na Adam, anggappami sitau ana’ bura’ne sintanjaka le’ba’ kalenna, na naareng anjo anaka Set.
4 Le’baki anjo tallasa’iji 800 taung sallona Adam, nanggappa pole ana’-ana’ maraengannaya.
5 Narapiki 930 taung umuru’na nampa mate.
6 Ri wattunna narapi’ 105 taung umuru’ Set, anggappami sitau ana’ bura’ne, niarenga Enos.
7 Le’baki anjo tallasa’iji 807 taung sallona Set nanggappa pole ana’-ana’ maraengannaya.
8 Narapiki 912 taung umuru’na nampa mate.
9 Ri wattunna narapi’ 90 taung umuru’na Enos, anggappami sitau ana’ bura’ne, niarenga Kenan.
10 Le’baki anjo tallasa’iji 815 taung sallona Enos nanggappa pole ana’-ana’ maraengannaya.
11 Narapiki 905 taung umuru’na nampa mate.
12 Ri wattunna narapi’ 70 taung umuru’na Kenan, anggappami sitau ana’ bura’ne, niarenga Mahalaleel.
13 Tallasa’iji 840 taung sallona Kenan nanggappa pole ana’-ana’ maraengannaya.
14 Narapiki 910 taung umuru’na nampa mate.
15 Ri wattunna narapi’ 65 taung umuru’na Mahalaleel, anggappami sitau ana’ bura’ne, niarenga Yared.
16 Le’baki anjo tallasa’iji 830 taung sallona Mahalaleel nanggappa pole ana’-ana’ maraengannaya.
17 Narapiki 895 taung umuru’na nampa mate.
18 Ri wattunna narapi’ 162 taung umuru’na Yared, anggappami sitau ana’ bura’ne, niarenga Henokh.
19 Le’baki anjo tallasa’iji 800 taung sallona Yared nanggappa pole ana’-ana’ maraengannaya.
20 Narapiki 962 taung umuru’na nampa mate.
21 Ri wattunna narapi’ 65 taung umuru’na Henokh, anggappami sitau ana’ bura’ne, niarenga Metusalah.
22 Le’baki anjo attallasa’mi Henokh sipa’rappungang siagang Allata’ala 300 taung sallona. Anggappami pole ana’-ana’ maraengannaya
23 sa’genna narapi’ 365 taung umuru’na.
24 Lanri tuli sipa’rappunganna siagang baji’ Henokh mae ri Allata’ala, allanynya’mi lanri niallei ri Allata’ala.
25 Ri wattunna narapi’ 187 taung umuru’na Metusalah, anggappami sitau ana’ bura’ne, niarenga Lamekh.
26 Le’baki anjo tallasa’iji 782 taung sallona Metusalah nanggappa pole ana’-ana’ maraengannaya.
27 Narapiki 969 taung umuru’na nampa mate.
28 Ri wattunna narapi’ 182 taung umuru’na Lamekh, anggappami sitau ana’ bura’ne.
29 Nakanamo Lamekh, "Anne anaka lanasareki’ karingangngang ri wattunta anjama terasa’ anjamai butta le’baka Natunrai Batara." Lanri kammana naaremmi Lamekh anjo anaka Nuh.
30 Le’baki anjo tallasa’iji 595 taung sallona Lamekh. Anggappami pole ana’-ana’ maraengannaya,
31 nampa mate ri wattunna narapi’ 777 taung umuru’na.
32 Ri wattunna narapi’ 500 taung umuru’na Nuh, anggappai tallu ana’ bura’ne, iamintu Sem, Yafet siagang Ham.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA