Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Giliranna pambagiyan se nomer dhuwa’ iya areya tana kaangguy ga-kalowarga e dhalem suku Simeyon. Batessa tanana suku jareya maso’ sampe’ ka dhalem batessa tanana suku Yehuda.
2 Suku jareya eberri’i tello bellas kottha ban sa-disa e sabingkerra, iya areya: Bersyeba, Syeba, Molada, Hazar-Suwal, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot ban Saruhen.
3 (19:2)
4 (19:2)
5 (19:2)
6 (19:2)
7 Bariya keya kottha se pa’-empa’ reya bi’ sa-disa e sabingkerra: Ain, Rimon, Eter ban Asan.
8 Tamaso’ keya sakabbinna disa e sabingkerra tha-kottha jareya sampe’ gan Ba’alat-Be’er (iya areya Rama) e tana bagiyan lao’. Jareya tana se ebagi ka ga-kalowarga e dhalem suku Simeyon, se pas terros ekaandhi’.
9 Sarrena tana se etantowagi daddi andhi’na suku Yehuda la ce’ lebarra, daddi sabagiyan dhari tana jareya ebagi ka suku Simeyon.
10 Giliranna pambagiyan se nomer tello’ iya areya tana se ebagiya ka ga-kalowarga e dhalem suku Zebulon. Batessa tana se ebagi ka reng-oreng jareya sampe’ gan Sarid.
11 Dhari Sarid, tapel bates jareya abiluk ka bara’ nojju ka Marala, sampe’ nyedding ka Dabeset ban songay e temorra Yokneyam.
12 Garis bates bagiyan temor molae dhari Sarid nojju ka tapel batessa Khislot-Tabor, terros ka Dobrat, pas ongga ka Yafiya.
13 Dhari jadhiya tapel bates jareya terros ka temor ka Gat-Hefer ban Et-Kazin, laju abiluk ka Ne’a nojju ka Rimon.
14 E bagiyan dhaja, batessa tana jareya abiluk nojju ka Hanaton sampe’ gan Cora Yiftah-El.
15 E dhalem dhaerana suku Zebulon jareya tamaso’ keya: Katat, Nahalal, Simron, Yidala, ban Betlehem. Se maso’ dhaerana suku jareya iya areya dhubellas kottha ban sa-disa e sabingkerra.
16 Tha-kottha ban sa-disana jareya badha e tana se ebagi ka ga-kalowarga e dhalem suku Zebulon menangka andhi’na dibi’.
17 Giliranna pambagiyan se nomer empa’ iya areya tana se ebagiya ka ga-kalowarga e dhalem suku Isakhar.
18 Se tamaso’ dhaerana suku jareya iya areya: Yizre’el, Khesulot, Sunem,
19 Hafaraim, Siyon, Anaharat,
20 Rabit, Kisyon, Ebes,
21 Remet, En-Ganim, En-Hada, ban Bet-Pazes.
22 Batessa tanana jareya nyedding ka Tabor, Sahazima, Bet-Semes, pas ambu e Songay Yordan. Se tamaso’ dhaerana suku jareya badha nem bellas kottha ban sa-disa e sabingkerra.
23 Tha-kottha ban sa-disana jareya badha e dhalem dhaera se ebagi ka ga-kalowarga e dhalem suku Isakhar menangka andhi’na dibi’.
24 Giliranna pambagiyan se nomer lema’ iya areya tana se ebagiya ka ga-kalowarga e dhalem suku Asyer.
25 Se tamaso’ dhaerana suku jareya iya areya: Helkat, Hali, Beten, Akhsaf,
26 Alamelekh, Amad, ban Misal. Batessa tanana e bagiyan bara’ nyedding ka Gunong Karmel ban Songay Libnat.
27 Dhari jadhiya tapel batessa jareya abiluk ka temor ka Bet-Dagon pas nyedding ka batessa Zebulon ban Cora Yiftah-El ka dhaja ka Bet-Emek ban Nehiyel. Tapel bates jareya pas terros pole ka dhaja ka Kabul,
28 Ebron, Rehob, Hamon ban Kana, sampe’ gan Sidon.
29 Dhari jadhiya tapel bates jareya abiluk ka Rama terros sampe’ gan kottha Tirus, iya areya kottha se badha bintengnga; saellana jareya tapel bates jareya abiluk pole ka Hosa terros ambu gan Tase’ Tengnga. E dhalem tes-bates jareya tamaso’ Mahalab, Akhzib,
30 Uma, Afek, ban Rehob. Se tamaso’ dhaerana suku jareya badha dhu lekor kottha ban sa-disa e sabingkerra.
31 Tha-kottha ban sa-disana jareya badha e tana se ebagi ka ga-kalowarga e dhalem suku Asyer menangka andhi’na dibi’.
32 Giliranna pambagiyan se nomer ennem iya areya tana se ebagiya ka ga-kalowarga e dhalem suku Naftali.
33 Batessa tana jareya molae dhari Helef, sampe’ ka bungkana ek e Za’ananim, terros ka Adami-Nekeb, pas ka Yabne’el, sampe’ gan Lakum, laju ambu gan Songay Yordan.
34 Dhari jadhiya tapel batessa tana jareya abiluk ka bara’ ka Aznot-Tabor, ban dhari jadhiya ka Hukok. E bagiyan lao’, batessa tana jareya acampo ban dhaerana Zebulon, e bagiyan bara’ ban dhaerana suku Asyer, ban e bagiyan temor bi’ Songay Yordan.
35 Tha-kottha se badha bintengnga iya areya: Zidim, Zer, Hamat, Rakat, Kineret,
36 Adama, Rama, Hazor,
37 Kedes, Edrei, En-Hazor,
38 Yiron, Migdal-El, Horem, Bet-Anat, ban Bet-Semes. Se tamaso’ dhaerana suku jareya badha sanga bellas kottha ban sa-disa e sabingkerra.
39 Tha-kottha ban sa-disana jareya badha e dhalem dhaera se ebagi ka ga-kalowarga e dhalem suku Naftali menangka andhi’na dibi’.
40 Giliranna pambagiyan se nomer petto’ iya areya tana se ebagiya ka ga-kalowarga e dhalem suku Dan.
41 Se tamaso’ dhaerana suku jareya iya areya Zora, Esyta’ol, Ir-Semes,
42 Sa’alabin, Ayalon, Yitla,
43 Elon, Timna, Ekron,
44 Elteke, Gibeton, Ba’alat,
45 Yehud, Beneberak, Gat-Rimon,
46 Me-Yarkon, Rakon, bariya keya dhaera e sabingkerra Yope.
47 Reng-oreng dhari suku Dan la kaelangan sabagiyan dhari tanana, daddi laju padha entar ka Lesem, pas nyerrang kottha jareya. Kottha jareya erebbu’, orengnga epate’e, ban kotthana pas ekennengnge. Daddi suku Dan jareya laju neng e jadhiya, ban nyamana kottha Lesem pas eoba epadaddi kottha Dan, menorot nyamana bangatowana dibi’.
48 Tha-kottha ban sa-disa jareya badha e dhalem dhaera se ebagi ka ga-kalowarga e dhalem suku Dan jareya menangka andhi’na dibi’.
49 Saellana mare se gi-magi tana e nagara jareya, ommat Isra’il laju ngatorragi sabagiyan dhari tana jareya ka Yusak pottrana Nun.
50 Menorot dhabuna PANGERAN, se eatorragi jareya kottha se etantowagi Yusak dibi’, iya areya: Timnat-Serah e pagunongan Efraim. Kottha jareya bi’ Yusak laju epaddek pole, sarta pas ekalenggi’i.
51 Daddi Imam Eleyazar, Yusak pottrana Nun ban para kapala kalowarga e dhalem ku-suku Isra’il gi-magi tana e nagara jareya kalaban cara eellot kaangguy nyo’on petodu ka PANGERAN. Ellot jareya ebadha’agi e Silo e adha’na labangnga Kemah Socce. Daddi pambagiyanna tana jareya la mare.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA