Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Bildad nyaot, "Bila ba’na se mareya acaca? Mara neng-enneng, edhingngagi sateya sengko’ sakanca acaca’a.

² (18:1)

³ Arapa sengko’ sakanca bi’ ba’na me’ eanggep gendheng, me’ eanggep padha ban sape?

⁴ Kapeggellanna ba’na pera’ nyake’e aba’na dibi’. Apa polana kaparlowanna ba’na bume kodu epaseppe, nong-gunong bato kodu ealle?

⁵ Damarra oreng jahat tanto epate’e; apoyya ta’ kera tao eodhi’i pole.

⁶ Sonar e dhalem kemahna la orem; damarra la ta’ nyonar.

⁷ Tengka’na se mantep dhing-tabarindhing; babala’anna dibi’ andaddiyagi aba’na tatandhung.

⁸ Sokona atengka’ ka dhalem jaring, sampe’ sokona takae’.

⁹ Tombedda takae’ ka jebbak, aba’na cekka’ tajira’.

¹⁰ Talena jira’ epasang e dhalem tana; jebbak anganga e jalan se elebadana.

¹¹ Oreng jahat takerjat polana barang se nako’e dhari man-dhimman; sabban tengka’na etoro’ bunte’ rassa katako’en.

¹² Lamba’ aba’na kowat, sateya nyangsara; balai dhateng neng e man-dhimman.

¹³ Kole’na topo ban panyaket se sara, tanang ban sokona bucco’ kalowar nana.

¹⁴ Oreng jareya eeret dhari kemahna se daddi kennengnganna se aman, epangadhebba ka Ratona Pate.

¹⁵ Sateya sapa’a bai olle enneng e kemahna, kemahna etaburi balirang maelanga panyakedda.

¹⁶ Mo’-ramo’na padha kerreng ban kero’, ca’-ranca’na padha elop.

¹⁷ Tadha’ oreng se kennal pole ka aba’na e dhalem kotthana otaba e lowar nagarana; tadha’ oreng settonga se enga’ ka nyamana.

¹⁸ Dhari kennengngan se tera’ etondhung ka pettengnga, dhari dunnyana oreng odhi’ epanyengla.

¹⁹ Ta’ andhi’ ana’ ban katoronan, tadha’ karena settonga e kampongnga.

²⁰ Ngedhing papasthenna se kantha jareya pandhudhu’ e bara’ padha tacengnga’, pandhudhu’ e temor padha katako’en.

²¹ Kantha jareya papasthenna oreng daraka, oreng se ta’ marduli ka Allah."