Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ [Jenari ngerana ka Bildat nina,] "O Jop, ndigan atendu ngadi ngeranai? Sinik kam lebe, maka ibelasken kami kata kami.

² (Ayb 18:1)

³ Ngkai maka iakapndu kami motu, dingen ipeserindu kami ras lembu?

⁴ Adi merawa kam, dirindu nge ngenca isakitindu. Akapndu kin maka erkiteken rawandu, doni enda arus itadingken janah deleng-deleng ipindahken?

⁵ Lampu kalak jahat inimpeti pagi dungna, janah dapurna ndigan pe lanai gara.

⁶ Sapo-sapo ingan tading si gelgel terang, jadi gelap lampu i babo takalna nimpet asa lalap.

⁷ Jingkangna si paguh, genduari mbewat-mbewat, rencanana jine erbahanca ia jurembat.

⁸ Erdalan ia kempak siding, nahena kena ranjo i bas lubang.

⁹ Tukul-tukulna leket i bas ragum, siding erbahanca ia jertuh.

¹⁰ Ragum i bas taneh terbuni bana, siding nggo itogeng i bas dalanna.

¹¹ Kebiaren ngerimrimi ia kelewet, tiap ia njingkang, kebiaren tetap ngikut-ngikut.

¹² Cilaka nggempangi ia bagi arimo si melihe, kearun nemani ia ku japa pe.

¹³ Dagingna serser kena penakit si mekelek, si mahanca tanna ras nahena jadi macik.

¹⁴ Ia isaren i bas sapo-sapo ingan tading nari, i ja iakapna ia aman, i jenari ia ibaba ngadap raja kematen.

¹⁵ Kalak si deban ngiani sapo-sapo ingan tading, kenca kertah icaburken guna mersihken kumanna.

¹⁶ Kalak jahat bali ras batang kayu si kerah uratna, dingen si melus ranggas-ranggasna.

¹⁷ I belang-belang doni lanai ise pe nandai ia, janah lanai ise pe nginget gelarna.

¹⁸ Ia ianjemken i bas terang nari ku kegelapen, ipelawes nadingken doni kegeluhen.

¹⁹ Anak ras sinursurna la lit sada pe, nggo keri kerina anak kutana ndube.

²⁰ Kalak si megi nasipna, subuk i barat bage pe i timur, kerina nggirgir dingen gentar.

²¹ Bage me jadina man kalak si nadingken Dibata kalak si la mbiar man BaNa."