Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Saellana jareya sakabbinna oreng, raja kene’, abareng ban para parwira, tamaso’ Yokanan ana’na Kareyah ban Azariya ana’na Hosaya padha entar ka sengko’, pas ngoca’ kantha reya,

² "Kaula sadaja nyo’ona tolong ka panjennengngan; nyo’onnagi ka GUSTE Allah se esemba panjennengngan. Nyo’onnagi kaula sadaja se gi’ padha odhi’ ka’dhinto. Panjennengngan ngoladi dibi’, gi’ dhimen kaula sadaja ce’ bannya’na, namong samangken kare sakone’. Nyo’onnagi

³ sopaja GUSTE Allah kasokana noduwi jalan se kodu elebadi sareng ponapa se kodu elakone kaula sadaja."

⁴ Sengko’ nyaot, "Enggi. Parnyo’onanna sampeyan sareng kaula etarema’a. Kaula nyo’onnagiya ka GUSTE Allahna sampeyan sareng kaula, ban ponapa saos dhabuna PANGERAN bi’ kaula eatorragiya sadaja; ta’ eleng-alengngana maske sakone’a."

⁵ Reng-oreng jareya pas ngoca’ ka sengko’, "Kaula nyo’ona tolong sopaja panjennengngan nyo’onnagiya ka GUSTE Allahna panjennengngan sareng kaula sadaja, polana kaula sadaja terro ta’ada ka PANGERAN, sopaja kabadha’an kaula sadaja saeya. Daddi, ponapa’a saos pessenna PANGERAN, sae otaba juba’, sareng kaula sadaja etoro’a. Diggal me’ olle PANGERAN se daddi sakse se jujur sareng esto ka kaula sadaja manabi kaula sadaja ta’ atoro’ ka sadajana papakonna PANGERAN se eparengngagi ka kaula sadaja kalaban parantara’anna panjennengngan."

⁶ (42:5)

⁷ Sapolo are saellana jareya PANGERAN abu-dhabu ka sengko’.

⁸ Daddi sengko’ ngolok Yokanan ban ra-parwirana, ban sakabbinna oreng laenna se dhateng abareng aba’na.

⁹ Sengko’ ngoca’ ka reng-oreng jareya, "Sampeyan nyo’on tolong ka kaula sopaja manapa’a parnyo’onanna sampeyan ka PANGERAN, Allahna Isra’il. PANGERAN adhabu sapaneka,

¹⁰ Mon ba’na terro pagguna enneng e nagara reya, bi’ Sengko’ ba’na eangka’a, ta’ eparobbuwa; bi’ Sengko’ ba’na epajaga’a, ta’ epagujura. Sengko’ arassa ngennes polana la madhateng calaka’ ka ba’na.

¹¹ Ba’na ja’ tako’ pole ka rato Babil rowa. Sengko’ badha e nga’-tengnga’anna ba’na, nolonga ba’na epabebasa dhari kakobasa’anna.

¹² Sarrena Sengko’ reya neser ka ba’na, rato Babil bi’ Sengko’ epaneserra ka ba’na ban epangedinana ba’na mole. Sengko’, PANGERAN, la ngoca’.’"

¹³ Tape ba’na se gi’ badha e Yehuda ja’ sampe’ ta’ atoro’ ka GUSTE Allahna ban ja’ sampe’ ngoca’, "Sengko’ ta’ endha’ ennengnga e nagara reya. Sengko’ entara ka Messer ban ennengnga e nagara jareya. Neng e dhissa’ sengko’ ta’ kera ngadhebbi paperrangan, ta’ kera ngedhing monyena tarompet se nyoro oreng aperrang, ban ta’ kera nyandhang kalaparan." Mon ba’na maksa entar ka Messer sarta pas enneng e dhissa’, reya’ pessenna PANGERAN Se Mahakobasa, Allahna Isra’il, ka ba’na,

¹⁴ (42:13)

¹⁵ (42:13)

¹⁶ "Ba’na bakal eserserra bi’ paperrangan ban kalaparan se ekatako’e ba’na jareya sampe’ ka Messer, ban ba’na bakal mateya e nagara jareya.

¹⁷ Sakabbinna oreng se maksa entar ka Messer ban enneng e jadhiya bakal mateya e dhalem paperrangan, otabana mateya polana kalaparan otabana polana wabah panyaket. Tadha’ oreng settonga se bakal lopoda dhari balai se epadhatengnga bi’ Sengko’; kabbi bakal padha’a mate.

¹⁸ Sengko’, PANGERAN Allahna Isra’il la neba’agi peggella Tang ate ka pandhudhu’ Yerusalim, bariya keya Sengko’ bakal neba’agiya peggella Tang ate ka ba’na se entar ngalle ka Messer. Oreng bakal marengesa mon nangale’e ba’na; ba’na bakal eya’-seya’a, ban nyamana ba’na bakal eangguya daddi babaston. Ba’na bakal ta’ nangaleyana tana asalla pole."

¹⁹ Sengko’ pas ngoca’ pole, "PANGERAN la makon sopaja karena ba’na se gi’ badha e Yehuda ja’ entar ka Messer. Daddi sengko’ sateya maenga’a ka ba’na

²⁰ ja’ ba’na la agabay kasala’an raja. Ba’na menta ka sengko’ sopaja nyo’onnagi ka GUSTE Allah ban ba’na ajanji ngalakonana sabarang se edhabuwagi PANGERAN.

²¹ Sateya sengko’ la manapa’ dhabuna GUSTE Allah ka ba’na, tape ba’na ta’ endha’ atoro’ ka pessen jareya.

²² Daddi, kaenga’e, ya: e nagara se eentarana ban ekennengngana ba’na rowa, ba’na bakal mateya polana paperrangan, otabana polana kalaparan otabana polana wabah panyaket."

Yeremia

Video Yeremia 42

Ikuti Kami:

KONTAK | PARTISIPASI | DONASI