Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN adhabu ka Isra’il, "He, Tang ommat, apa bi’ ba’na Sengko’ esanggu ngojuk ba’na, akantha oreng lake’ se ngojuk binena? Mon kantha jareya, kemma sorat panellagga? Apa bi’ ba’na Sengko’ reya esangka ajuwal ba’na, akantha oreng lake’ se ajuwal ana’na ka oreng se nagi otang? Banne! Ba’na etawan ban ebuwang lantaran dusa ban kajahadanna dibi’!
2 Arapa Tang ommat me’ tadha’ settonga se ajawab, e bakto Sengko’ dhateng, ban kabbi eolok bi’ Sengko’? Apa reng-oreng jareya neng-enneng polana nyangka Sengko’ ta’ sanggup mabebas ban masalamet aba’na? Mon Sengko’ marenta’agi, tase’ bisa kerreng ngay-songay bisa daddi sagara beddhi sampe’ ko’-juko’na mate ban abau ames.
3 Langnge’ bi’ Sengko’ epapetteng, akantha se etotobi kaen celleng, kaenna oreng se kasossa’an."
4 GUSTE Allah Se Mahatenggi ngajari sengko’ acaca, sopaja tang caca makowat oreng se lesso. Sabban gi’ laggu tang ate epaterro ngedhingngagiya pangajaranna ka sengko’.
5 PANGERAN marenge sengko’ pangarteyan, sengko’ ta’ alaban otaba nyenglae Salerana.
6 Sengko’ magi tang balikat ka oreng se mokol sengko’, magi tang pepe ka oreng se adabu’ tang janggu’. Sengko’ ta’ malengos bakto eya-seya ban ecopae.
7 Sabab GUSTE Allah Se Mahatenggi nolonge sengko’, daddi sengko’ ta’ sampe’ epamalo. Sengko’ makoko tang ate sopaja kowat; sengko’ tao ja’ sengko’ ta’ kera epamalo.
8 Sabab Allah semma’, Salerana anyata’agi sengko’ ta’ sala. Sapa se agaca’a ban sengko’? Mara kalowar areng-bareng. Sapa se alabana ka sengko’? Mara nyander dha’ enna’.
9 Onggu, GUSTE Allah Se Mahatenggi abillai sengko’, sapa se bangal ngoca’ ja’ sengko’ sala? Oreng se ngarane sengko’ kabbi bakal mosna’a akantha kaen alpo’ se ekakan ngetnget.
10 He, reng-oreng se ahormat PANGERAN, ban se ngedhingngagi ka cacana abdina, lorong se elebadi ba’na olle daddi petteng, tadha’ sonar se nera’e ba’na, tape paparcaja ka PANGERAN; nyandhar ba’na ka Allahna.
11 He, reng-oreng se mateyana oreng laen, ba’na bakal ancora polana sajjana dibi’. PANGERAN dibi’ se makantha jareya, ba’na bakal eseksa’a ce’ berra’na.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA