Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ulanai kam ersurak-surak dingen ermeriah ukur, o kalak Israel, bali kam ras kalak perbegu. Kam nggo erlua-lua, eme nilah i bas Dibatandu nari. I belang-belang negeri e nggo idayakenndu dirindu desken diberu perlua-lua man dibata Baal, janah meriah kal akapndu ngaloken gandum si iakapndu jadi upahndu i bas ia nari.
2 Tapi nandangi lanai bo cukup gandum ras minak saitunndu janah anggurndu pe lanai lit.
3 Kalak Israel lanai pagi ringan i bas negeri TUHAN, tapi terpaksa mulih ku Mesir, dingen arus man pangan si pantang i Assur.
4 I bas negeri-negeri e lanai bo pagi banci ipersembahkenna anggur man TUHAN, dingen lanai banci ibahanna persembahen. Panganna erbahanca keliamen kerina kalak si manca, bali ras pangan si ipan tupung paksa penguburen. Si e kerina mesuri beltekna ngenca lakonna, tapi la lit sitik pe si banci ibaba jadi persembahen ku Rumah Pertoton TUHAN.
5 Emaka adi nggo seh paksa wari raya si nggo itetapken guna kehamaten man TUHAN, lanai lit kai pe si banci ilakokenna.
6 Adi paksa kecedan nggo reh, janah bangsa e ikerapken, ipepulung bangsa Mesir me ia, tapi ipepulung guna ikuburken i Mempis! Erta-ertana si meherga, eme pirak, bage pe pertapaken ingan rumahna pajek mbarenda, kerina pagi itamburi dukut ras rambah duri.
7 Paksa ukumen seh me; tupung si e idat kalak me balasen perbahanenna. Tupung si e pagi ieteh Israel me! Nina "Nabi enda motu kal. Kalak si iingani kesah enda adon kap." Elem-elem kal atena kempak aku sabap bage kal belinna dosana.
8 Dibata nggo nuruh aku jadi nabi lako mpersingeti BangsaNa Israel. Tapi ku ja pe aku lawes isidingi bangsa e atena aku desken perik. I bas negeri Dibata jine, bangsa e kap musuh nabi.
9 Kejahatenna lanai tanggung i bas kerina perbahanenna, bali ras tupung ia i Gibea nai. Inget Dibata nge dosana e, janah la banci lang IukumNa me ia erdandanken si e.
10 Nina TUHAN, "Tangtangna Kujumpai nai Israel, bali kap ia ras anggur si turah i bas gurun pasir. Tangtangna Kuidah nai nini-ninina, bali kap ras ngidah buah ara si pemenana tasak i bas musimna. Tapi nggo kenca ia seh i Deleng Peor, mulai me ia nembah man Baal, janah minter kal ciga ateKu, bali ras cigana ateKu nandangi dibata-dibata si ikelengina e.
11 Emaka kiniulin Israel kabang me desken perik-perik, janah lanai pagi lit anak si ipupusna, lanai lit diberu si mehuli kulana, lanai lit anak i bas bertin.
12 Janah aminna ipebelin-belinna pe anakna, Kubuat nge kerina, sada pe la lit Kutadingken nggeluh. Kenca Kutadingken bangsa enda, kena cilaka me ia."
13 O TUHAN, banci kuidah anak-anakna ipeburui jenari ibunuh.
14 Kai ndia si kupindo man BaNdu guna bangsa enda? Bahanlah maka pernanden-pernandenna la banci mupus, dingen la ngasup ia pepinemken anakna.
15 Nina TUHAN, "Kerina perbahanenna si jahat ibenaken i Gilgal. I je me bena-benana ateKu nembeh man bana. Janah erkiteken kejahaten si ibahanna, kupelawes me ia i bas tanehKu nari. Lanai ateKu keleng kempak ia, sabap kerina peminpin-peminpinna nggo berontak ngelawan Aku.
16 Bangsa Israel igudam. Bangsa e bali kap ras sinuan-sinuan si nggo kerah urat-uratna, si lanai erbuah. Lanai lit tubuh anakna, janah aminna lit denga pe, Kubunuh me anak-anak kekelengenna e."
17 Dibata si kusembah, itulakna nge BangsaNa, sabap la idengkehken bangsa e Ia. Emaka lajang-lajang me ia i tengah-tengah bangsa-bangsa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA