Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sai mulak ma, ale Israel hubani Jahowa Naibatamu, ai targompang pe ho, halani salahmu do.
2 Boan hanima ma hata sihatahononnima anjaha mulak ma bani Jahowa! Hatahon hanima ma hu Bani, “Sasap Ham ma haganup hajahatonnami, anjaha bahen Ham ma na madear bennami, ase iboan hanami galangan Bamu, ai ma buah ni bibirnami.
3 Sedo Assur sipangurupi bennami, seng be ra hanami mangajak huda; seng be ra hanami mangkatahon bani jadi-jadian ni tangannami: Ham Naibatanami! Bamu do dapotan idop ni uhur na tading maetek.”
4 “Pamalumon-Ku do parbalikon ni sidea. Sihol do Ahu mangkaholongi sidea, tongon, domma surut ringis-Ku humbani sidea.
5 Songon namur do Ahu bani Israel; marbunga do ia songon silundat, anjaha marurat songon hayu na i Libanon.
6 Mangerbang do dangkahni; hajengesonni songon hayu Jetun, anjaha hamisbouonni songon Libanon.
7 Sai mulak do sidea, anjaha marianan i toruh ni linggom-Hu, gabe songon pohon do sidea, marbunga songon hayu anggur, anjaha tarbarita songon anggur na hun Libanon.
8 Ale Efraim, bahen aha be bam gana-gana in? Ahu do na manangihon ampa na manatap ho; Ahu do songon hayu bolon, Ahu do harohan ni buahmu.
9 Barang ise na maruhur, iparuhurhon ma in! Barang ise na marpangidah, ididah ma in! Tongon, pintor do dalan ni Jahowa anjaha halak parpintor mardalan ijai, tapi anggo halak parjahat tompas do ijai.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA