Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 (12-2) Sabarang se elakone oreng Isra’il dhari gi’ laggu sampe’ malem tadha’ gunana ban mamosna’an akantha angen nemor. Karoceyan ban kakejjemman sajan atamba e antarana reng-oreng jareya. Bangsa Isra’il mabadha parjanjiyan-parjanjiyan ban Asyur sarta ngeba mennya’ ka Messer menangka tandha parsobadan."
2 (12-3) PANGERAN aparkara ban bangsa Yehuda; Isra’il eokoma keya polana tengkana. Lalakonna bangsa jareya bakal eparengngana babales.
3 (12-4) Molae gi’ badha e dhalem gandhu’anna ebuna, Yakub nyarobot Esau taretan kembarra, ban saellana dibasa, Yakub abuwang ban Allah.
4 (12-5) Abuwang ban malaekat, ban Yakub mennang. Saellana jareya Yakub molar sarta nyo’on berkat. Saellana jareya e Betel, Allah rabu manggi’i Yakub pas abu-dhabu ban salerana.
5 (12-6) Allah reya PANGERAN, Allah Se Mahakobasa. Asmana iya reya PANGERAN. Kalaban asma jareya Salerana kodu esemba.
6 (12-7) Daddi ba’na, he, toronanna Yakub, paparcaja ka Allahna ban abali ka Salerana. Mara odhi pataresna ban pajujur, nante’ pasabbar sampe’ Allahna ba’na alampa’agi karsana.
7 (12-8) PANGERAN adhabu ka bangsa Isra’il, "Ba’na roce akantha oreng Kana’an; gang-dagangnga ba’na dujan co-ngoco langgananna bi’ tembangan se ta’ bendher.
8 (12-9) ‘Sateya sengko’ la sogi’, ca’na reng-oreng jareya. ‘Sengko’ ontong! Tadha’ oreng se bisa ngarane ja’ sengko’ sogi polana ta’ jujur.’
9 (12-10) Tape Sengko’, GUSTE Allahna ba’na, se makalowar ba’na dhari Messer; bi’ Sengko’ ba’na epaennengnga e mah-kemah pole akantha lamba’ e bakto Sengko’ entar ka ba’na e ra-ara.
10 (12-11) Sengko’ la acaca ka bi-nabbi, sarta aberri’ pangaton sabannya’na ka bi-nabbi jareya. Kalaban parantara’anna bi-nabbi jareya Sengko’ malae ba’na parkara pa-apa se ekasajja Sengko’ kaangguy ba’na, Tang ommat,
11 (12-12) tape maske bariya gi’ badha se nyemba arca e Gileyad, ban ngeba kurban sape se esaba’ e attassa mezba e Gilgal. Tape reng-oreng se nyemba brahala jareya bakal mateya, ban ba-mezba e Gilgal rowa bakal daddiya tombuganna bato e gal-teggal."
12 (12-13) Yakub bangatowana sengko’ ban ba’na buru ka Mesopotamia; e jadhiya, se terro olleya bine ngabdi ka oreng daddi tokang ngowanna ba-dumbana.
13 (12-14) PANGERAN ngotos nabbi se epamakalowara oreng Isra’il dhari odhi’na se ekadunor oreng e Messer, sarta kaangguy ajaga reng-oreng Isra’il jareya.
14 (12-15) Oreng Isra’il mapeggel PANGERAN ce’ sarana; daddi patot eokom lantaran kajahadanna jareya. PANGERAN bakal ngokoma reng-oreng jareya polana daddi lantaranna oreng laen ya-nyeya Pangeran.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA