Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN adhabu, "Sengko’ neser ka Isra’il molae gi’ kene’, Tang ana’ jareya bi’ Sengko’ eolok esoro kalowar dhari Messer.
2 Tape Tang ana’ jareya sajan eolok sajan majau dhari Sengko’. Tang ana’ jareya ngeba kurban ban ngobbar dupa kaangguy Ba’al ban ba-diba laenna.
3 Mangkana Sengko’ se ngajari Isra’il ajalan, ban se e dhalem taresna agellu’ aba’na. Sengko’ se arabat aba’na tape aba’na ta’ endha’ ngakone jareya.
4 Kalaban kataresna’an se tadha’ batessa, bi’ Sengko’ Isra’il epasemma’ ka Sengko’. Sakabbinna kasangsara’anna bi’ Sengko’ epadhammang, Sengko’ lamba’ aberri’ kakan ka Isra’il jareya.
5 Reng-oreng Isra’il jareya ta’ endha’ abali ka Sengko’, daddi bangsa jareya kodu abali ka Messer, ban bakal eparenta’a bangsa Asyur.
6 Paperrangan bakal rabaga sampe’ ka dhalem tha-kotthana, bang-labang saketheng bakal eparosaga, dineng Tang ommat bakal epamateya. Se daddi sababba kadaddiyan jareya polana oreng Isra’il norodi karebba dibi’,
7 ban maksa nyengla’ana Sengko’. Daddi oreng Isra’il jareya bakal etendhessa, tape tadha’ oreng se nolonga maske reng-oreng Isra’il jareya rat-tharadan se menta tolong."
8 PANGERAN adhabu, "He, Isra’il, bi’ Sengko’ ba’na ta’ kera epanneng otaba edina’agi. Ba’ bisa’a ba’na epaancora bi’ Sengko’ akantha Adma? Otaba epakantha Zebo’im? Sengko’ ta’ tega se kantha’a jareya sabab Tang kataresna’an ka ba’na talebat rajana!
9 Sengko’ ta’ ngokoma ba’na maske Sengko’ teppa’na peggel; bi’ Sengko’ ba’na ta’ epaancora pole. Sabab Sengko’ reya Allah, banne manossa. Sengko’, Se Socce, abarengngana ba’na, ban ta’ peggella pole ka ba’na."
10 PANGERAN adhabu, "Tang ommat bakal noro’a Sengko’ mon Sengko’ agaung akantha macan ban nako’e mosona. Tang ommat bakal duliya dhateng dhari bara’ nyemba’a ka Sengko’.
11 Dhari Messer reng-oreng jareya bakal dhatengnga akantha mano’ santa’na, ban dhari Asyur akantha dara saambalan. Reng-oreng jareya bi’ Sengko’ pas egiba’a abali ka bengkona. Sengko’, PANGERAN, la ngoca’."
12 (12-1) PANGERAN adhabu, "Bangsa Isra’il dujan lecek ban nepo; bangsa Yehuda paggun ta’ endha’ atoro’ ka Sengko’, Allah Se Socce ban esto.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA