Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bi’ lalake’ jareya sengko’ laju ebakta ka dhalem kamar tengnga, se enyamae Kennengngan Se Socce. Lorong se ka jadhiya eokor; lanjangnga tello meter,
2 ban lebarra lema meter. Geddhung e kangan kacerra kandella dhu meter satengnga. Kennengngan Se Socce jareya pas eokor keya; lanjangnga dhu polo meter, lebarra sapolo meter.
3 Saellana jareya lalake’ buru laju maso’ ka kamar dhalem. Lorong se ka jadhiya eokor: lanjangnga sameter, lebarra tello meter, ban geddhungnga e kangan kacerra kandella tello meter satengnga.
4 Kamar jareya laju eokor keya: bangonna masagi empa’, lanjang ban lebarra padha sapolo meter. Samarena jareya Salerana laju adhabu ka sengko’, "Reya Kennengngan Se Mahasocce." Mar-kamar se epaddek e geddhungnga Padalemman Socce
5 Saellana jareya lalake’ gella’ ngokor geddhung dhalemma Padalemman Socce: kandella tello meter. E geddhung e sakalenglengnga Padalemman Socce jareya badha mar-kamarra se lebarra dhu meter.
6 Mar-kamar jareya asoson tello’, dhak-saondhagga aesse tello polo kamar. Geddhung lowarra saneyap ondhak jareya atepesan dhari geddhungnga ondhak se e baba’anna, daddi mar-kamar jareya ekenneng soson ta’ kalaban alobange geddhungnga Padalemman Socce.
7 Dhari lowar geddhungnga Padalemman Socce jareya katon padha kandella dhari baba ka attas. E geddhung lowarra Padalemman Socce, e lowaranna mar-kamar jareya, badha andha raja dhadhuwa’, daddi oreng bisa ongga dhari ondhak se e baba ka ondhak se nomer dhuwa’ ban ondhak se nomer tello’.
8 Geddhung lowarra mar-kamar jareya kandella dhu meter satengnga. Bangonan jareya badha labangnga se nojju ka mar-kamar e dhaja’anna Padalemman Socce, ban labang laen ka mar-kamar e bagiyan lao’. E sakalenglengnga Padalemman Socce badha amperra se lebarra dhu meter satengnga; kennengnganna tello meter dhari tana, epapadha tenggina ban dhasarra mar-kamar e geddhungnga Padalemman Socce. E antarana amper ban ngon-bangonan se eangguy para imam, badha amper se lebarra sapolo meter, e kangan kacerra Padalemman Socce.
9 (41:8)
10 (41:8)
11 (41:8)
12 E penggir lowarra taneyan bagiyan bara’ badha bangonan raja se lanjangnga pa’polo lema’ meter ban lebarra tello polo lema’ meter, dineng kandella dhung-geddhungnga dhu meter satengnga.
13 Lalake’ jareya ngokor lanjangnga Padalemman Socce: badha saeket meter. Dhari budhiyanna Padalemman Socce sampe’ ka geddhung budhina bangonan se raja e bagiyan bara’ jareya ella’na saeket meter keya.
14 Bagiyan adha’na Padalemman Socce se addhep ka temor, se badha taneyanna e kangan kacerra, lebarra saeket meter keya.
15 Lalake’ jareya ngokor keya bangonan se raja se addhep ka taneyan e bagiyan bara’: lebarra saeket meter, tamaso’ dhung-geddhung e kangan kacerra. Mar-kamar e Padalemman Socce, kamar adha’, Kennengngan Se Socce, ban Kennengngan Se Mahasocce,
16 erengga bi’ barangka kaju, dhari palesteranna sampe’ ka la-candhelana. La-candhela jareya ekenneng totobi bi’ kalambu.
17 Sakabbinna geddhung bagiyan dhalem erengga bi’ ker-okeranna
18 bungkana palma ban kerub, e antarana saneyap kerub dhadhuwa’ badha bungkana palmana settong. Kerub jareya mowana dhadhuwa’,
19 se settong mowana manossa se addhep ka bungkana palma se badha e kacerra, ban mowana macan se addhep ka bungkana palma se badha e kanganna. Ker-okeran jareya badha e saanterona Padalemman Socce,
20 molae dhari palesteranna sampe’ ka bagiyan attassa labangnga.
21 Ga-canggana labangnga Kennengngan Se Socce bangonna masagi empa’.
22 Tenggina sameter satengnga ban lebarra sameter. Du-padduna, dhasarra ban bagiyan erengnga ekagabay dhari kaju. Lalake’ jareya adhabu ka sengko’, "Reya’ meja se badha e ajunanna kahadiranna PANGERAN."
23 E konco’na lorong se ka Kennengngan Se Socce badha labangnga, bariya keya e konco’na lorong se ka Kennengngan Se Mahasocce.
24 Bang-labang jareya ngangguy dhaun dhadhuwa’ se abukka’ e tengnga.
25 Bang-labangnga Kennengngan Se Socce erengga ban ker-okeran bungkana palma ban rub-kerub, padha ban ker-okeranna dhung-geddhungnga. E adha’na amper adha’an, iya reya e lowaranna, badha kerrena dhari kaju.
26 E geddhung erengnga se dhadhuwa’ badha la-candhelana, dineng geddhungnga erengga ban ker-okeranna bungkana palma.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA