Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nina malekat si make uis linen e, "Tupung paksa e, keke me Mikhael, malekat si mbelin si ngkawali bangsandu. Kenca bage lit me paksa kesusahen si mberat si la pernah bage jadi kidekah bangsa-bangsa ijadiken. Adi nggo seh paksa si e, bangsandu si tersurat gelarna i bas kitap Dibata, terkelin me.
2 Nterem kalak si nggo mate nggeluh mulihi: deba ngenanami keriahen kegeluhen si rasa lalap, deba mela akapna seh rasa lalap.
3 Peminpin-peminpin si pentar ersinalsal bali ras langit si harhar. Janah kalak si nggo ngajari nterem kalak ndalanken kai si benar ersinalsal rasa lalap bali ras bintang-bintang."
4 Nina malekat e man bangku, "Dage genduari Daniel, tutuplah kitap e janah tama meterena i je seh ku bas pendungi doni enda. Kidekah si e, nterem pagi jelma ngelatihi bana alu sia-sia alu ncubaken ngertiken si jadi."
5 Kenca bage kuidah dua kalak dilaki tedis i tepi lau belin, pekepar-kepar ia duana.
6 Sekalak nungkun man malekat si tedis aras gugung nina, "Asa kai nari dekahna maka ngadi kejadin-kejadin si mejin enda ndai?"
7 Iangkat malekat ndai tanna duana kempak langit janah erpadan ia i bas gelar Dibata si Nggeluh Rasa Lalap. Janah kubegi ikatakenna nina, "Dekahna lit telu setengah tahun nari. Kenca bangsa Dibata lanai pagi iayak-ayak, kerina si enda nggo pagi jadi."
8 Kubegi kai si ikatakenna, tapi la kuerti. Emaka nungkun aku, "Tapi, o tuan, kuga banci si e kerina ngadi?"
9 Erjabap ia nina, "Kam arus lawes genduari Daniel, sabap kata-kata enda arus irahasiaken ras ibuniken seh paksa pendungi e.
10 Nterem pagi kalak si ibersihken. Kalak jahat la ngerti ia, emaka tetap ia erbahan jahat; kalak pentar ngenca pagi ngerti.
11 Mulai i bas paksa persembahen si tep-tep wari e ipengadi, eme i bas paksa Gana-gana si Mejin e, mentas pagi lebe 1.290 wari.
12 Malem me ate kalak si tetap patuh seh mentas 1.335 wari.
13 Janah kam Daniel, patuhlah kam seh ku pendungina. Kenca bage mate me kam, tapi keke me kam ngaloken upahndu i bas paksa pendungina."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA