Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Dob siap ipajongjong si Musa lampolampo ai, anjaha dob iminaki anjaha ipapansing ganup parugasni ai, anjaha dob iminaki anjaha ipapansing anjapanjap ai pakon ganup parugasni ai,

² iboan pambobai ni halak Israel, kopala ni mar sasaompung, kopala ni mar sasamarga, sagala na mambobahon halak na dob binilanganni ai,

³ iboan sidea ma galangan ni sidea hu lobei ni Jahowa: onom gareta na martutup pakon sapuluh dua lombu; dua kopala sada gareta anjaha sada lombu bei ganup kopala; iboan sidea ma ai hu lobei ni lampolampo ai.

⁴ Dob ai nini Jahowa ma hubani si Musa,

⁵ “Jalo ma ganupan ai humbani sidea, ase boi pakeion ai, anjaha ondoskon ma ai bani halak Levi, romban hubani horja ni sidea bei.”

⁶ Jadi ijalo si Musa ma gareta pakon lombu ai, anjaha iondoskon ma ai bani ganup halak Levi.

⁷ Dua gareta pakon ompat lombu iondoskon bani anak ni si Gerson, romban hubani horja ni sidea ai.

⁸ Ompat gareta pakon ualuh lombu iondoskon bani anak ni si Merari romban hubani horja ni sidea, marguru hubani horja ni sidea, na binobahon ni si Itamar, anak ni Malim Aron.

⁹ Tapi anggo bani anak ni si Kahat, seng dong age aha ibere, halani sidea do haondosan ni parugas na pansing ai, ai ma siusungon ni abara.

¹⁰ Jadi igalangkon sagala kopala ai ma galanganni bei, laho mangondoskon anjapanjap ai bani ari pamminakionni, anjaha igalangkon sagala kopala ai ma galanganni i lobei ni anjapanjap ai.

¹¹ Nini Jahowa do hubani si Musa, “Maningon mar sasahalak kopala ai bani panorangni bei mambahen galanganni laho mangondoskon anjapanjap ai.”

¹² Na manggalangkon galanganni bani ari na parlobei, ai ma si Nahason, anak ni si Aminadab, humbani marga Juda.

¹³ Ia galanganni, ai ma sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai, haduasi gok bani itak na lumat, na niagu pakon minak bahen galangan sipanganon;

¹⁴ sada pinggan humbani omas, sapuluh sekel boratni, gok dahupa;

¹⁵ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

¹⁶ sada hambing tunggal bahen galangan pardousaon;

¹⁷ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Nahason, anak ni si Aminadab.

¹⁸ Bani ari paduahon iboban si Natanael, anak ni si Zuar, pambobai ni halak Isasar ma galangan ai.

¹⁹ Iboan ma bahen galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai, haduasi gok bani itak na lumat, na niagu pakon minak bahen galangan sipanganon;

²⁰ sada pinggan humbani omas, sapuluh sekel boratni, gok dahupa;

²¹ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

²² sada hambing tunggal bahen galangan pardousaon;

²³ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Natanael, anak ni si Zuar.

²⁴ Bani ari patoluhon si Eliab, anak ni si Helon, pambobai ni halak Sebulon;

²⁵ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sigalangonkon;

²⁶ sada pinggan humbani omas, sapuluh sekel boratni, gok dahupa;

²⁷ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

²⁸ sada hambing tunggal bahen galangan pardousaon;

²⁹ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Eliab, anak ni si Helon.

³⁰ Bani ari paompatkon si Elisur, anak ni si Sedeur, pambobai ni halak Ruben.

³¹ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;

³² sada pinggan humbani omas, sapuluh sekel boratni, gok dahupa;

³³ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

³⁴ sada hambing tunggal bahen galangan pardousaon;

³⁵ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri na marumur satahun. In ma galangan ni si Elisur, anak ni si Sedeur.

³⁶ Bani ari palimahon si Salumiel, anak ni si Surisadai, pambobai ni halak Simeon.

³⁷ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;

³⁸ sada pinggan humbani omas, sapuluh sekel boratni, gok dahupa;

³⁹ sada anak ni lombu, sada biribiri tunggal, sada anak ni biribiri na marumur satahun, bahen galangan situtungon;

⁴⁰ sada hambing tunggal bahen galangan pardousaon;

⁴¹ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Surisadai.

⁴² Bani ari paonomkon si Eliasap, anak ni si Deguel pambobai ni halak Gad.

⁴³ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;

⁴⁴ sada pinggan humbani omas, sapuluh sekel boratni, gok dahupa;

⁴⁵ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

⁴⁶ sada hambing tunggal bahen galangan pardousaon;

⁴⁷ anjaha bahen galangan pardameian, dua lombu, lima biribiri tunggal, pakon lima anak ni biribiri tunggal na marumur satahun. Ai ma galangan ni si Eliasap, anak ni si Deguel.

⁴⁸ Bani ari papituhon si Elisama, anak ni si Amihud, pambobai ni halak Efraim.

⁴⁹ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;

⁵⁰ sada pinggan humbani omas, sapuluh sekel boratni, gok dahupa;

⁵¹ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

⁵² sada hambing tunggal bahen galangan pardousaon;

⁵³ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Elisama, anak ni si Amihud.

⁵⁴ Bani ari paualuhkon si Gamaliel, anak ni si Pedasur, pambobai ni halak Manase.

⁵⁵ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, mardomu hubani sekel na adong bani ianan na pansing ai, haduasi gok bani itak na lumat, na niagu pakon minak bahen galangan sipanganon;

⁵⁶ sada pinggan humbani omas, sapuluh sekel boratni, gok dahupa;

⁵⁷ sada anak ni lombu, sada biribiri tunggal, sada anak ni biribiri tunggal na marumur satahun, bahen galangan situtungon;

⁵⁸ sada hambing tunggal bahen galangan pardousaon;

⁵⁹ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Gamaliel, anak ni si Pedasur.

⁶⁰ Bani ari pasiahkon, si Abidan, anak ni si Gideoni, pambobai ni halak Benjamin.

⁶¹ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, domu hubani sekel na bani ianan na pansing ai; haduasi gok bani itak, na niagu pakon minak bahen galangan sipanganon;

⁶² sada pinggan humbani omas, sapuluh sekel boratni, gok dahupa;

⁶³ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

⁶⁴ sada hambing tunggal bahen galangan pardousaon;

⁶⁵ anjaha bahen galangan pardameian, dua lombu, lima biribiri tunggal, lima hambing tunggal pakon lima anak ni biribiri tunggal na marumur satahun. Ai ma galangan ni si Abidan, anak ni si Gideoni.

⁶⁶ Bani ari pasapuluhkon si Ahieser, anak ni si Amisadai, pambobai ni halak Dan.

⁶⁷ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, mardomu hubani sekel na bani ianan na pansing ai. Haduasi ai gok bani itak, na niagu pakon minak, bahen galangan sipanganon;

⁶⁸ sada pinggan humbani omas, sapuluh sekel boratni, gok dahupa;

⁶⁹ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

⁷⁰ sada hambing tunggal bahen galangan pardousaon;

⁷¹ anjaha bahen galangan pardameian, dua lombu, lima biribiri tunggal, lima hambing tunggal, pakon lima anak ni biribiri tunggal na marumur satahun. Ai ma galangan ni si Ahieser, anak ni si Amisadai.

⁷² Bani ari pasapuluhsadahon si Pagiel, anak ni si Okran, pambobai ni halak Asser.

⁷³ Galanganni sada pinggan pirak, saratus tolu puluh sekel boratni, sada mangkuk humbani pirak, pitu puluh sekel boratni, mardomu hubani sekel na bani ianan na pansing ai; haduasi gok bani itak na lumat, na niagu pakon minak, bahen galangan sipanganon;

⁷⁴ sada pinggan humbani omas, sapuluh sekel boratni, gok dahupa;

⁷⁵ sada anak ni lombu, sada biribiri tunggal, sada anak ni biribiri tunggal na marumur satahun, bahen galangan situtungon;

⁷⁶ sada hambing tunggal bahen galangan pardousaon;

⁷⁷ anjaha bahen galangan pardameian, dua lombu, lima anak ni biribiri tunggal pakon lima anak ni biribiri tunggal na marumur satahun. Ai ma galangan ni si Pagiel, anak ni si Okran.

⁷⁸ Bani ari pasapuluhduahon si Ahira anak ni si Enan, pambobai ni halak Naftali.

⁷⁹ Galanganni sada pinggan pirak, saratus tolu puluh sekel boratni, sada mangkuk humbani pirak pitu puluh sekel boratni, domu hubani sekel na bani ianan na pansing ai; haduasi gok bani itak na lumat, na niagu pakon minak bahen galangan sipanganon;

⁸⁰ sada pinggan humbani omas, sapuluh sekel boratni, gok dahupa;

⁸¹ sada anak ni lombu, sada biribiri tunggal, sada anak ni biribiri tunggal na marumur satahun bahen galangan situtungon;

⁸² sada hambing tunggal bahen galangan pardousaon;

⁸³ anjaha bahen galangan pardameian, dua anak ni lombu, lima biribiri tunggal, pakon lima anak ni biribiri tunggal na marumur satahun. Ai ma galangan ni si Ahira, anak ni si Enan.

⁸⁴ Ai ma galangan laho mangondoskon anjapanjap ai, bani ari pamminakion ai humbani pambobai ni halak Israel, sapuluh dua pinggan pirak, sapuluh dua mangkuk humbani pirak, sapuluh dua pinggan omas.

⁸⁵ Saratus tolu puluh sekel borat ni pinggan ai sada-sada, anjaha pitu puluh sekel borat ni mangkuk ai sada-sada, ase boratni ganup parugas ai dua ribu ompat ratus sekel do, domu hubani sekel na bani ianan na pansing ai.

⁸⁶ Sapuluh dua pinggan omas, gok dahupa, sapuluh sekel boratni sada-sada, domu hubani sekel na bani ianan na pansing ai; ase borat ni omas ganup hubani pinggan ai saratus dua puluh sekel.

⁸⁷ Haganup pinahan bahen galangan situtungon, sapuluh dua lombu, sapuluh dua biribiri tunggal, sapuluh dua anak ni biribiri tunggal na marumur satahun, rap pakon galangan sipanganon; anjaha sapuluh dua hambing tunggal bahen galangan pardousaon.

⁸⁸ Buei ni pinahan bahen galangan pardameian, dua puluh ompat anak ni lombu, onom puluh biribiri tunggal, onom puluh hambing tunggal, onom puluh anak ni biribiri tunggal na marumur satahun. Ai ma galangan laho mangondoskon anjapanjap ai, dob siap iminaki.

⁸⁹ Anjaha sanggah na masuk ai si Musa hubagas lampolampo partumpuan ai, sihol marsahap pakon Jahowa, ibogei do sora ni Jahowa marsahap pakonsi, humbani langkob ni pardearan ai, na i atasni poti hasaksian ai, humbani holangkolang ni herub na dua ai; anjaha marsahap do Jahowa pakonsi.

Bilangan

Video Bilangan 7

Ikuti Kami:

KONTAK | PARTISIPASI | DONASI