Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 On do parsaranan ni halak Israel, sanggah na luar sidea hun tanoh Masir rap pakon bala ni sidea, na binobahon ni si Musa pakon si Aron.
2 Dob ai isuratkon si Musa ma parbingkatan ni sidea pakon parsaranan ni sidea romban hubani hata ni Jahowa; anjaha on do parsaranan ni sidea, dob luar sidea.
3 Bingkat do sidea hun Raemses bani bulan sada, ari sapuluh lima bulan sada; patarni dob salpu Paskah ai bingkat ma halak Israel marhitei tangan na gogoh i lobei ni haganup halak Masir,
4 sanggah na mananom sagala bunga tubuhni halak Masir ai, na dob binunuh ni Jahowa hun tongah-tongah ni sidea; mangonai uhum do homa Jahowa hubani sagala naibata ni sidea.
5 Jadi bingkat ma halak Israel hun Raemses, anjaha marsaran ma sidea i Sukkot.
6 Bingkat ma sidea hun Sukkot, anjaha marsaran ma sidea i Etam, ai ma na i topi ni halimisan.
7 Bingkat ma sidea hun Etam, dob ai marhusor dompak Pi-Hahirot tontang ni Baal-Zefon; anjaha marsaran ma sidea ilobei ni Migdol.
8 Bingkat ma sidea hun Pi-Hahirot, anjaha mandipar ma sidea hun tongah-tongah ni laut hu halimisan, anjaha mardalan ma sidea tolu ari pardalanan daohni i halimisan Etam, dob ai marsaran ma sidea i Mara.
9 Bingkat ma sidea hun Mara anjaha das ma hu Elim; i Elim adong do sapuluh dua bah tubuh pakon pitu puluh kambona kurma, anjaha marsaran ma sidea ijai.
10 Bingkat ma sidea hun Elim anjaha marsaran ma i topi ni Laut Sigerger.
11 Bingkat ma sidea hun Laut Sigerger anjaha marsaran ma i halimisan Sin.
12 Bingkat ma sidea hun halimisan Sin anjaha marsaran ma i Dofka.
13 Bingkat ma sidea hun Dofka, anjaha marsaran ma i Alus.
14 Bingkat ma sidea hun Alus anjaha marsaran ma i Papidim; seng dong bah bahen inumon ni bangsa ai ijai.
15 Bingkat ma sidea hun Papidim, anjaha marsaran ma sidea i halimisan dohorhon Sinai.
16 Bingkat ma sidea hun halimisan dohorhon Sinai, anjaha marsaran ma sidea i Kibrot-Hattaawa.
17 Bingkat ma sidea hun Kibrot-Hattaawa, anjaha marsaran ma sidea i Haserot.
18 Bingkat ma sidea hun Haserot, anjaha marsaran ma i Ritma.
19 Bingkat ma sidea hun Ritma anjaha marsaran ma i Rimon-Peres.
20 Bingkat ma sidea hun Rimon-Peres anjaha marsaran ma i Libna.
21 Bingkat ma sidea hun Libna anjaha marsaran ma i Risa.
22 Bingkat ma sidea hun Risa anjaha marsaran ma i Kehelat.
23 Bingkat ma sidea hun Kehelat anjaha marsaran ma i Har-Safer.
24 Bingkat ma sidea hun Har-Safer anjaha marsaran ma i Harada.
25 Bingkat ma sidea hun Harada anjaha marsaran ma i Makhelot.
26 Bingkat ma sidea hun Makhelot anjaha marsaran ma i Tahat.
27 Bingkat ma sidea hun Tahat anjaha marsaran ma i Tarah.
28 Bingkat ma sidea hun Tarah anjaha marsaran ma i Mitka.
29 Bingkat ma sidea hun Mitka anjaha marsaran ma i Hasmona.
30 Bingkat ma sidea hun Hasmona anjaha marsaran ma i Moserot.
31 Bingkat ma sidea hun Moserot anjaha marsaran ma i Bene-Jaakan.
32 Bingkat ma sidea hun Bene-Jaakan anjaha marsaran ma i Hor-Gidgad.
33 Bingkat ma sidea hun Hor-Gidgad anjaha marsaran ma sidea i Jotbata.
34 Bingkat ma sidea hun Jotbata anjaha marsaran ma i Aberona.
35 Bingkat ma sidea hun Aberona anjaha marsaran ma i Ezion-Geber.
36 Bingkat ma sidea hun Ezion-Geber anjaha marsaran ma i halimisan Sin, ai ma Kades.
37 Bingkat ma sidea hun Kades anjaha marsaran ma i bona ni Dolog Hor, i parbalogan ni Edom.
38 Dob ai tangkog ma Malim Aron hu atas ni Dolog Hor, hinatahon ni Jahowa, anjaha matei ijai, bani tahun paompatpuluhon, dob luar halak Israel hun Masir, bani ari sada bulan lima.
39 Marumur saratus dua puluh tolu tahun do si Aron, sanggah na matei ia i Dolog Hor.
40 Ijia ma ibogei halak Kanaan, Raja Arad, na marianan i tanoh Kanaan hampit dangsina, na roh ai halak Israel.
41 Bingkat ma sidea hun Dolog Hor anjaha marsaran ma i Zalmona.
42 Bingkat ma sidea hun Zalmona anjaha marsaran ma i Punon.
43 Bingkat ma sidea hun Punon anjaha marsaran ma i Obot.
44 Bingkat ma sidea hun Obot anjaha marsaran ma i Iye-Abarim i parbalogan ni Moab.
45 Bingkat ma sidea hun Iye-Abarim anjaha marsaran ma i Dibon-Gad.
46 Bingkat ma sidea hun Dibon-Gad anjaha marsaran ma i Almon-Diblataim.
47 Bingkat ma sidea hun Almon-Diblataim anjaha marsaran ma bani Dolog Abarim i lobei ni Nebo.
48 Bingkat ma sidea hun Dolog Abarim anjaha marsaran ma i pamah Moab na bani topi ni Jordan, tontang ni Jeriko.
49 Marsaran ma sidea bani topi ni Jordan singgan ni Bet-Jesimot das hu Abel-Sittim i pamah Moab.
50 Dob ai nini Jahowa ma hubani si Musa i pamah Moab, na i topi ni Jordan, tontang ni Jeriko.
51 “Hatahon ma hubani halak Israel, ia dob idipari hanima Jordan masuk hu tanoh Kanaan,
52 maningon usironnima do ganup pangisi ni tanoh ai hun lobeinima, anjaha maningon parbolahonnima do ganup gana-gana batu ni sidea, anjaha maningon parsedaonnima do gana-gana tinuang ni sidea, anjaha sagala buntu-buntu panggalangan ni sidea maningon parreongonnima do.
53 Anjaha maningon hanima do na manean tanoh ai anjaha marianan ijai, ai domma Hubere tanoh ai bennima, ase hanima simada ai.
54 Anjaha maningon bagionnima do tanoh ai bennima mar sasamarga marhitei na manjomput na sinurat; anggo buei halakni maningon pagandaonmu parbagiananni, anggo otik, paotikonmu ma parbagiananni; barang na ija na tinuduh ni na sinurat ai, ai ma parbagiananni; marguru hubani marganima mar sasaompung dapotan parbagianan hanima.
55 Tapi anggo seng iusir hanima pangisi ni tanoh ai hun lobeinima, jadi simasima ni sidea na tinebahonnima ai, gabe duri ma ai ibagas matanima anjaha gabe suga ibagas binongeinima, anjaha sosakonni ma hanima i tanoh na niianannima.
56 Anjaha usih songon na husurahon bahenon-Ku hubani sidea, bahenon-Ku bennima.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA