Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Daud pottrana Isay epele epajumenneng rato ban epadaddi oreng raja bi’ Allahna Yakub. Daud jareya keya se nganggit nyanyeyan-nyanyeyan kaangguy bangsa Isra’il. Areya’ dhabuna Daud se dhi-budhi:

² Errohna PANGERAN la manapa’ dhabuna kalaban parantara’anna sengko’ reya; dhabu ban pessenna kabbi badha e tang bibir.

³ Allahna Yakub badha dhabuna; se alindhunge Isra’il adhabu ka sengko’ reya: "Rato se adil marenta ra’yat, se ta’at ka Allah e dhalem mimpin bangsana,

⁴ padha ban pajjar se ngombar e baja para’ seyang e langnge’ se serdhang. Padha ban are se nyonar samarena ojan se macengngar rebba biru ce’ leburra."

⁵ Bariya keya tang toronan eberkadi Allah, parjanjiyanna ka sengko’ tadha’ obana, janjina langgeng ban samporna, tartep sakabbinna. Allah nanggung tang kamennangan ban ngabbullagi pangaterrona tang ate kabbi.

⁶ Tape oreng se ta’ ta’at ka Pangeran padha ban dhuri se ebuwang ka sarpa’an, se ta’ ekenneng sedding oreng bi’ tanangnga;

⁷ tadha’ se endha’ nyeddinga mon ta’ ngangguy pakakas kaju otaba besse. Reng-oreng jareya ekello’ apoy tadha’ karena.

⁸ Areya’ nyamana para parwirana Daud se kasohor: Se nomer settong iya areya Isyba’al, oreng Hakhmoni, pamimpinna "Triwira". E dhalem settong paperrangan Isyba’al tao aperrang ngadhebbi moso ballung atos oreng ban mosona jareya kabbi epate’e bi’ tombagga.

⁹ Oreng se nomer dhuwa’ e dhalem Triwira jareya iya areya Eleyazar ana’na Dodo dhari kaom Ahohi. E settong are Eleyazar ngereng Daud ngadhebbi oreng Filistin se la akompol aperranga. E bakto pasukan Isra’il nyorot,

¹⁰ Eleyazar terros aperrang mate’e reng-oreng Filistin sampe’ ce’ lessona. Tanangnga kettheng, sampe’ ta’ ngenneng mokka’ garigi’na se neggu’ peddhangnga. E are jareya keya PANGERAN apareng kamennangan se raja ka bangsa Isra’il. Pasukan Isra’il se nyorot gella’ abali pole ka kennengnganna Eleyazar se aperrang, pas mokka’ kalambi perrangnga reng-oreng se la padha mate.

¹¹ Oreng se nomer tello’ e dhalem Triwira jareya iya areya Sama ana’na Age dhari Harari. Tao e bakto oreng Filistin akompol e Lehi, e settong teggal se possa’ ban kacang mera, pasukan Isra’il buru dhari reng-oreng Filistin.

¹² Tape Sama teptep aperrang, mate’e ban makala oreng Filistin, sampe’ teggal jareya ta’ ekenneng kobasae moso. PANGERAN apareng kamennangan se raja.

¹³ E laen arena e bakto la para’ mosem anye, dhari parwirana Daud se tello polo, katello toron ka Guwa Adulam. E bakto jareya Daud badha e dhalem binteng e guwa jareya, dineng oreng Filistin akemah e Cora Refa’im, ban badha pasukanna se arebbu’ ban ngobasane Betlehem terros ekennengnge.

¹⁴ (23:13)

¹⁵ Daud ce’ kerrongnga ka kampongnga laju adhabu, "Ja’ sakenga sengko’ eberri’i ngenom aeng dhari somor e seddi’na labang sakethengnga Betlehem rowa!"

¹⁶ Ngedhing dhabuna Daud se kantha jareya parwira se katello jareya narabas parkemahanna oreng Filistin, terros nemba aeng dhari somor gella’, pas egiba ka Daud. Tape Daud ta’ kasokan adha’ar aeng jareya, la’-mala’ aeng jareya etotta’ menangka tor-ator ka PANGERAN.

¹⁷ Dhabuna, "Adhu, GUSTE, abdidalem ta’ kengeng neddha aeng ka’dhinto! Manabi sareng abdidalem eenom, rassana abdidalem akadi se ngenom dharana reng-oreng se alabbuwi pate abandha nyabana!" Daddi Daud ta’ kasokan adha’ar aeng jareya. Jareya sa-jasana pahlawan se katello se kowat ban bangalan jareya.

¹⁸ Parwira se tello polo se kasohor gella’ enyamae keya "Tridasawira," se epimpin bi’ Abisai ale’na Yowab, pottrana Zeruya. Abisai jareya tao mate’e oreng tello ratos bi’ tombagga. Lantaran jareya nyamana kasohor. Tape Abisai jareya ta’ pate kasohor akantha "Triwira".

¹⁹ (23:18)

²⁰ Parwira laenna se kasohor iya areya Benaya ana’na Yoyada oreng Kabze’el. Orengnga talebat bangalan, tao mate’e pahlawan raja dhari Mo’ab kadhuwa. Tao e settong are teppa’na ojan salju, Benaya maso’ ka dhalem lobang, e jadhiya mate’e macan settong.

²¹ Laen dhari jareya Benaya tao keya mate’e oreng Messer, se badanna lanjang raja sarta ngeba sanjata tombak. Benaya ngadhebbi oreng jareya coma ngangguy tongket. Tombak se eteggu’ oreng Messer jareya erebbu’ laju eangguy mate’e oreng jareya.

²² Jareya sa-jasana Benaya, sala settong e antarana "Tridasawira".

²³ Dhari se tello polo jareya, Benaya se paleng kasohor, tape ta’ pate kasohor akantha "Triwira". Bi’ Daud epadaddi kapalana pangawal pribadhina.

²⁴ Anggotana "Tridasawira" laenna iya areya: Asa’el ale’na Yowab Elhanan ana’na Dodo oreng Betlehem Sama ban Elika oreng Harod Heles oreng Palti Ira ana’na Ikes oreng Tekowa Abiyezer oreng Anatot Mebunai oreng Husa Zalmon oreng Ahohi Maharai oreng Netofa Heleb ana’na Ba’ana oreng Netofa Itai ana’na Ribai oreng Gibeya e dhaerana suku Benyamin Benaya oreng Piraton Hidai oreng ra-cora Ga’as Abiyalbon oreng Bet-Araba Azmawet oreng Bahurim Elyahba oreng Sa’albon Na’-ana’na Yasyen oreng Guni Yonatan ana’na Sama oreng Harari, Ahiyam ana’na Sarar oreng Harari Elifelet ana’na Ahasbai oreng Ma’akha Eliyam ana’na Ahitofel oreng Gilo Hezrai oreng Karmel Paerai oreng Arbi Yigal ana’na Natan oreng Zoba Bani oreng Gad Zelek oreng Amon Naharai oreng Be’erot, tokang gibana sanjatana Yowab Ira ban Gareb oreng Yetri Uriya oreng Het. Kabbi badha tello polo petto’ oreng parjurit se kasohor.

²⁵ (23:24)

²⁶ (23:24)

²⁷ (23:24)

²⁸ (23:24)

²⁹ (23:24)

³⁰ (23:24)

³¹ (23:24)

³² (23:24)

³³ (23:24)

³⁴ (23:24)

³⁵ (23:24)

³⁶ (23:24)