Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai masa ma lohei sanggah bani goluh ni si Daud tolu tahun dokahni. Ipindahi si Daud ma bohi ni Jahowa, gabe nini Jahowa ma, “Halani sapata ni daroh na bani si Saul pakon na bani ginomparni do ai, ai ma halani na binunuhni halak Gibeon.”
2 Jadi idilo raja ai ma halak Gibeon. Ia halak Gibeon ai seng hun bani ginompar ni halak Israel, tapi sima-sima ni halak Amori do sidea; age pe domma ibulawankon halak Israel pagoluhkon sidea, tapi isurahon si Saul do sihol maniapkon sidea, halani pongut ni uhurni bani halak Israel pakon Juda.
3 Jadi nini si Daud ma hu bani halak Gibeon, “Aha ma bahenonku bani nasiam? Anjaha aha ma bahenonku pardearan, ase ra nasiam mamasu-masu rupei ni Jahowa?
4 Dob ai nini halak Gibeon ma hu bani, “Seng pahara pirak barang omas paharanami pakon si Saul barang ginomparni, anjaha seng ipangindo uhurnami bunuhon barang ise i Israel.” Jadi nini ma, “Aha do nini uhur nasiam bahenonku bani nasiam?”
5 Jadi nini sidea ma hu bani raja ai, “Halak na mamboiskon hanami anjaha na mansurahon maniapkon hanami, ase ulang adong be ianannami i sab tanoh Israel,
6 bere ham ma pitu hun bani anakni, ase igantungkon hanami sidea i lobei ni Jahowa, i Gibeon bani dolog ni Jahowa.” Jadi nini raja ai ma, “Hubere pe sidea.”
7 Tapi ihaholongi raja ai do si Mepiboset, anak ni si Jonatan, pahompu ni si Saul, halani bulawanni bani Jahowa, na binulawankon ni si Daud hu bani si Jonatan, anak ni si Saul.
8 Ibuat raja ai ma haduasi anak ni si Rispa, boru ni si Aya, na tinubuhkonni bani si Saul, ai ma si Armoni pakon si Mepiboset; ambahni ai na lima anak ni si Merab, boru ni si Saul na tinubuhkonni bani si Adriel, anak ni si Barsilai, halak Mehola;
9 anjaha ibere ma sidea hu tangan ni halak Gibeon anjaha igantungkon ma sidea i atas dolog i lobei ni Jahowa, anjaha rap matei do sidea na pitu ai. Tarbunuh do sidea ai sanggah parmulaan ni pariama, sanggah parmulaan ni pariama gandum.
10 Dob ai ibuat si Rispa, boru ni si Aya ma hiou guni, ihembangkon ma ai bahen apeini i dolog batu ai, hun parmulaan ni pariama das bani na roh udan bani sidea hun langit; seng ipalopas roh manuk-manuk na i awang-awang bani sidea arian, atap binatang harangan pe borngin.
11 Dob dong na patugahkon hu bani si Daud, na binahen ni si Rispa, boru ni si Aya, parinangon ni si Saul ai,
12 laho ma si Daud anjaha ibuat ma holi-holi ni si Saul pakon holi-holi ni anakni si Jonatan, hun bani halak na i Jabes-Gilead, na tinangko ni sidea hun alaman bolag ni Betsan, ai ijai do igantungkon halak Palistim sidea sanggah na tinaluhon ni halak Palistim si Saul i Dolog Gilboa.
13 Iboan ma hujai holi-holi ni si Saul pakon holi-holi ni si Jonatan anakni ai. Dob ai ipatumpu sidea ma holi-holi ni na targantung ai,
14 anjaha rap itanom ma ai rap pakon holi-holi ni si Saul ampa si Jonatan anakni ai, i tanoh Benjamin i Sela, ibagas tanoman ni si Kis bapani ai; ibahen sidea ma haganup na hinatahon ni raja ai. Dob ai marpangulaki ma use uhur ni Naibata mangidah tanoh ai.
15 Dob ai marporang ma use halak Palistim dompak halak Israel; tuad ma si Daud rap pakon juakjuakni, jadi marsiporangan ma sidea pakon halak Palistim ai, pala loja si Daud.
16 Jadi roh ma si Jisbi-Benob, sada hun bani ginompar ni halak na ganjang bolon ai, borat ni tanjani tolu ratus sekel tombaga, anjaha dong do igonditkon sada podang na baru, sihol mambunuh Raja Daud nini uhurni.
17 Tapi roh ma si Abisai, anak ni si Seruya mangurupisi, idorab anjaha ibunuh ma halak Palistim ai. Pala do ibijahon juakjuak ni si Daud ijia hu bani, “Seng bulih be ham bingkat odor rap pakon hanami hu parporangan, ase ulang mintop ibahen ham palita ni Israel.”
18 Dob salpu ai adong ma use hamunsuhon i Gob dompak halak Palistim; ijia ibunuh si Sibekai, halak Husat ai ma si Sap; ginompar ni halak na ganjang bolon ai do homa ia.
19 Dob salpu ai adong ma use hamunsuhon i Gob dompak halak Palistim, gabe ibunuh si Elkana, anak ni si Jaare-Oregim, parhuta Betlehem ai ma si Goliat parhuta Gat ai; ia suhul ni tanjani na sabasikah do.
20 Dob salpu ai adong ma use hamunsuhon i Gat; adong ma ijai sada dalahi na ganjang, onom bei do jari-jari ni tanganni pakon naheini, gabe dua puluh ompat bilanganni; ia pe ginompar ni halak na ganjang bolon ai do.
21 Sai iapas-apasi do halak Israel, gabe ibunuh si Jonatan, anak ni si Simei, abang ni si Daud ma ia
22 Na ompat halak ai ma ginompar ni halak na ganjang bolon na i Gat; matei do sidea ibahen si Daud pakon juakjuakni ai.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA