Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Puari-puari sai temon-temon percaya injuk sekam! Isa Almasih, yakdo Allah rik Raja Penyelamat ram, memungkinko ram percaya jama Ia, mani Ia ngelakuko sai benor. Surat inji jak Simon Petrus, sai jelma sai ngebantu rik rasul-Ni Isa Almasih.

² Semoga Allah ngeni berkat belimpah-limpah rik sejahtera jama niku, mani keti kenal jama Allah rik Isa, Tuhan ram.

³ Allah radu makai kuasa ilahi-Ni untuk ngeniko jama ram sunyin hal sai diperluko untuk hurik beibadah. Ia ngelakuko inji liwat api sai ram pandai tentang Isa Almasih, sai radu ngurau ram untuk ngerasako keagungan rik kebetikan-Ni.

⁴ Jama cara senodo Allah nganugerahko jama ram berkat-berkat sai luar biasa rik berega sai radu dijanjiko-Ni. Jama berkat-berkat udi keti dapok telepas jak kehaga-kehaga jahat sai nyadangko di dunia inji, rik keti nerima sifat ilahi.

⁵ Ulihni seno, berusahado temon-temon in keti tetap percaya jama Almasih rik percayamu udi ditunjang ulih hurik sai betik. Di samping hurik sai betik, keti perlu jadi jelma sai bepengetahuan,

⁶ rik di samping pengetahuan, keti harus juga dapok nguasai diri. Rik selain dapok nguasai diri hagani keti juga memupuk diri untuk tabah ngehadapi sunyin hal. Di samping tabah ngehadapi sunyin hal, keti harus juga hurik nutuk kehaga-Ni Allah.

⁷ Rik hurik nutuk kehaga-Ni Allah harus juga dilengkapi jama kasih sayang jama puari-puari seiman. Selanjutni hagani kasih sayangmu jama puari-puari seiman ditambah jama kasih tehadap sunyin jelma.

⁸ Sunyinni ano iado sifat-sifat sai keti perluko. Kik sifat-sifat ano wat jama niku belimpah-limpah, keti haga jadi giat rik behasil, rik kenal jama Isa Almasih Tuhan ram jama lebih betik lagi.

⁹ Kidang jelma sai mak ngedok sifat-sifat ano, pandanganni picik; ia mak dapok ngeliak rik ia lupa bahwa dusa-dusani sai tumbai radu dikecahko.

¹⁰ Ulihni seno Puari-puari, berusahado lebih keras in urauan-Ni Allah rik pilihan-Ni atas dirimu ano semakin kuat. Kik keti ngelakuko ano, keti mak murtad.

¹¹ Jama injuk reno keti haga dikeni hak penuh untuk kuruk Kerajaan sai kekal jak Tuhan rik Raja Penyelamat ram Isa Almasih.

¹² Ulihni seno, nyak selalu ngingokko keti tentang hal seno, meskipun keti radu pandai rik percaya nihan jama ajaran jak Allah sai radu keti terima udi.

¹³ Selama nyak masih hurik, nyak ngerasa wajib ngingokko keti tentang hal-hal seno.

¹⁴ Mani nyak pandai bahwa mak mesaka lagi nyak haga ninggalko dunia inji, mani Tuhan ram Isa Almasih radu jelas ngeni pandai jama nyak.

¹⁵ Maka nyak haga berusaha in seradu jak nyak mati pun, keti selalu ngingok luot hal-hal inji.

¹⁶ Waktu sekam ngeni pandai jama niku hara agungni ratong-Ni Tuhan ram Isa Almasih, sekam mawat begantung jama cerita-cerita isapan jempol manusia. Keagungan-Ni Almasih ano radu sekam liak jama mata sekam tenggalan.

¹⁷ Sekam wat di disan waktu Ia dihormati rik diagungko ulih Allah Bapa. Waktu seno kedengian suara jak Sai Mahamulia, sai cawa jama Ia, "Injido Anak-Ku sai Kukasihi. Ia nyenangko hati-Ku!"

¹⁸ Sekam tenggalan ngedengi suara ano ratong jak surga waktu sekam wat jejama Ia di atas gunung sai suci udi.

¹⁹ Udi sebabni sekam lebih yakin lagi luhot-Ni Allah sai dikabarko ulih nabi-nabi. Helauni keti ngeperhatiko luhot ano, mani luhot udi injuk lampu sai besinar di rang kelam sampai fajar menyingsing, rik cahaya bintang timur di delom hatimu.

²⁰ Terutama nihan hagani keti ingok inji: Luhot-Ni Allah sai disampaiko ulihni nabi mak ngasi ditafsirko nutuk pendapat tenggalan.

²¹ Mani, mak pernah luhot jak Allah dikabarko angkah atas kehaga manusia. Kidang Ruh-Ni Allah nguasai jelma untuk nyampaiko luhot jak Allah tenggalan.

2 Petrus

Video 2 Petrus 1

Ikuti Kami:

KONTAK | PARTISIPASI | DONASI