Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utat mita inta totu-totu'udon nopirisaya naonda bo kami! Ki Yesus Kristus inta Allah bo Raja Mopoposaḷamat naton, nobogoidon ing kasampatan ko'i naton mopirisaya ko'i-Nia, sin Sia ain nogaid kon onu inta mobanar. Surat tana'a nongkon i Simon Petrus, tobatuí mogogaid kon oaíidan i Allah bo rasul i Yesus Kristus.
2 Po'igumon makow ki Allah mobogoi im barakat bo kobiagan motompia totok ko'i monimu, sim mo'ikow ain nonota'au ko'i Allah bo ko'i Yesus Tuhan naton.
3 Ki Allah nomakeídon ing kawasa-Nya sim mobogoi ko'i naton im bayongan yagi-yagi inta paraḷu pakeíon kong kobiagan simbaí motoindudui ko'i-Nia. Tua inaidan-Nya pinongin onu inta kinota'auan naton soaáḷ ki Yesus Kristus, inta ain nogoinií ko'i naton simbaí mobiag moyotakin-Nya kon tampat-Nya inta mopia bo mo'onow.
4 Natua in aid i Allah mobogoi ko'i naton im barakat-Nya inta moḷoben bo baraguna totok inta aim pinodandi-Nya. Simbaí aka barakat tatua oyuíondon ko'i monimu, yo mo'ikow in diaídon kawasa'an in ibog mita mora'at inta mokogoguya'at kon dunia na'a, bo mo'ikow im mo'itakin motarima kon sipat i Allah.
5 Manangka intua poramijidon totu-totu'u simbaí umuran mopirisaya im mo'ikow ko'i Kristus bo mogaid doman kon inta mopia lantaran pirisaya monimu tatua. Bo poramiji doman baí mobalií intau mopandoi,
6 kolikud im mopandoi, mo'ikow musti doman mokotahang kong gina. Kolikud im mokotahang kong gina mo'ikow musti moramiji doman simbaí motabah in tumayow kom bayongan yagi-yagi. Kolikut im motabah tumayow kom bayongan yagi-yagi, mo'ikow musti doman mobiag podudui kon inta kino ibog i Allah.
7 Bo aka mobiag podudui in ibog i Allah yo musti intompodan in tabi ko'i utat mita inta tumpaḷa mopirisaya ko'i Allah bo tabi doman kom bayongan intau.
8 Tua mita in sipat inta paraḷuon monimu. Aka sipat mita tatua bo nobayongdon totok ing ko'i monimu, yo morajing bidon totok im mo'ikow mogaid bo moḷobenbií mangale in oaíidanmu, bo kotota'au monimu soaáḷ ki Yesus Kristus Tuhan naton modugangdon mopia.
9 Ta'e intau inta diaí kinogonuían in sipat mita natua, mopoḷokbií totok im pomomikirnya; sia diaí moko'ontong bo koliongannyabií kon dosanya mita kolipod ain inampungan.
10 Tuamai utatku mita, poramiji totok, simbaí mo'ikow inta ain inoinií bo pinilií i Allah morotondon totok im pirisayamu. Aka aidan monimu intua komintan, yo diaí bidon mobaḷui im pirisayamu.
11 Aka natua, daí mo'ikow mota'audon totok tumu'ot kong karaja'an inta mononoi nongkon i Tuhan bo Raja Mopoposaḷamat naton ki Yesus Kristus.
12 Tuamai tantuí ponoropku intua ko'i monimu, umpakahbií kinota'auandon monimu, simbaí mo'ikow mopirisayadon totok kon totunduí nongkon i Allah inta ain sinarima monimu tatua.
13 Ko wakutu aku'oi mobiagpa, nobaliíbií kowajibanku im moponorop intua ko'i monimu.
14 Sing kinota'auanku bidon kon diaí bidon mo'onggot aku'oi matoi, sim pinota'au bidon notarang i Tuhan Yesus Kristus ko'inakoí intua.
15 Daí tantuí ramijionku simbaí umpakahbií aku'oi diaídon, yo umuranpa doman kotoropan monimu in soaáḷ mita tatua.
16 Kowakutu ing kami nopota'au ko'inimu kon naonda ing komomulia koaíngoian i Tuhan naton ki Yesus Kristus, tua in ino'uman nami de'emanbií tongaí pinodoyon kon o'uman mita in intau inta diaí im mangalenya. Ta'e kamulia'an i Kristus tatua aim bidon inontong im mata nami tontanií.
17 Kon tuabií ing kami wakutu in Sia i hormat bo pinomulia i Allah Amaí. Kowakutu intua kinodongogandon in singog nongkon i Inta Totok Momulia, inta noguman ko'i-Nia, "Na'abií ing ki Adií-Ku inta Kinotabi-Ku. Sia mokosanang kong gina-Ku!"
18 Kamibií tontanií in nokodongog kon singog tatua namangoi nongkon soroga wakutu ing kami koyota-yotakin-Nya kon tudu im buḷud inta mosuci tatua.
19 Tuatabií in nokodugang kom pirisaya nami kong koyow i Allah inta aim pinoyaput in nabi mita. Manikah mo'ikow monarukira totok kong koyow tatua, sing koyow tatua naonda bo togaí inta nonindar kowakutu in doḷom modapot im mobayagdon,bo sindar in tundi inta kon dotaí im pomuka'an monimbayag kom bonu ing ginamu.
20 Na'abií in soaáḷ inta totok im moponting bo musti kota'auan monimu: Koyow nongkon i Allah inta pinoyaput in nabi mita diaíbií mota'au raion im mangalenya podudui kon ibog monimu.
21 Sin diaíbií kon dodai onda koyow inta nongkon i Allah tatua pinota'au tongaí pinodudui kon ibog in intau inta no'ibog nopoyaput ing koyow-Nya tatua.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA