Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ui na miak na ngedita' bururku, sagan pana' na ulek. Ngaceku ui sikal mada' ratnan luk sinierku idi bala luk linio ratnan Tuhan.

² Idi ui ngiti selemulun luk bang Keristus, idi pangeh pulu' apat lak atun, lemulun ineh pangeh kinikit macing déi' langit luk meluun dita' (kian dengan burur lek, ui na kali' kian bang aceh luk sinier mo' lek, ui na kali', Allah luk kali').

³ Idi ui kali' lemulun luk titen ini (kian dengan burur lek, kian bang aceh luk sinier mo' lek, ui na kali', Allah luk kali').

⁴ Idi ieh inuit iné' bang Pirdaus idi neninger bala luk na miak tetanen, ieh ineh luk na miak tetanen lemulun.

⁵ Idi ratnan lemulun ini ui sikal ngedita' bururku, iamo' ratnan bururku sebuleng ui na sikal ngedita' bururku, kudeng na ratnan amung-amung laya'ku sebuleng.

⁶ Kudeng ui sikal ngedita' bururku, na ui mebacé, ngaceku ui miak mala luk matu; iamo' ui na sikal ngedita' bururku pad lemulun na ngerawé negku meluun ratnan luk nekali'neh ratnan kekamenku idi balaku.

⁷ Idi ngaceku bala luk linio ineh pelaba ula', pad ui na ngedita' bururku, idi pangeh biré kuanku aceh tabpa' luk nebpek bururku, ieh ineh aceh ét luk icuk Sétan, luk ngedereh negku, pad ui na ngedita' bururku.

⁸ Idi ratnan ini teluh kua' ui pangeh nemutuh ratnan Tuhan, pad dereh ineh talan rat negku.

⁹ Idi balaNeh kuanku, "KatuKu petap kuanmu, ngaceku laludKu uen ngegala' bang laya'." Ngaceku ineh dengan pelaba awang niat ui ngedita' bururku bang amung-amung laya'ku, pad lalud Keristus temurun luunku.

¹⁰ Ini punneh amung-amung laya', kediman, asi', dereh idi susa' mangun ku awang kuanku ngaceku Kristus. Ngaceku kareb ui melaya', kareb ineh teh ui metueh peh.

¹¹ Ui pangeh mangun mebacé, iamo' muyuh ini nengesaad negku. Setuneh meluun do' ui buren muyuh. Ngaceku sesuut pana' na ui mebeneh ratnan rasul-rasul luk rayeh ineh, sagan pana' ui ini na mebala.

¹² Tanu'-tanu' luk ngegala' ratnan ui rasul pangeh inau' arang muyuh dengan pelaba ulai niat, ieh ineh dengan tanu'-tanu', kekamen luk inan mawa, idi kekamen luk melalud.

¹³ Idanké ui mekurang ngerawé nemuyuh ratnan sidang baken, kareb ui na mutuh anun-anun rat nemuyuhké? Ui mutuh do' nemuyuh ratnan sala' ini!

¹⁴ Ngerawé do'-do', ini luk keteluh kua' ui temina' sikal macing nemuyuh, idi ui na sikal mangun ku babeh kuan muyuh. Ngaceku baken ui nakap binaweh muyuh, iamo' burur muyuh. Ngaceku na do' anak-anak nganau' temina' binaweh kuan taman-tinandeh, iamo' taman-tinan nganau' temina' kuan anak-anakdeh.

¹⁵ Ui ini pelaba pian maré anun-anun, idi maré bururku sebuleng pana' ngaceku muyuh. Kudeng ui pelaba awa nemuyuh, petuluké muyuh na mawa negku?

¹⁶ Matu ui ini na mangun ku babeh kuan muyuh. Iamo' inan luk sikal pelaba ui nengalap nemuyuh dengan saluk.

¹⁷ Pangehké ui nengalap peruan rat nemuyuh lemaba lemulun luk pangeh icukku kuan muyuh ineh?

¹⁸ Ui pangeh nemutuh Titus amé' nemuyuh, idi ui nengecuk kinanak ineh maya' neneh. Pangehké Titus nemuyok nemuyuh? Naké kai dueh nenalan maya' sebuleng Roh ineh teh? Naké kai dueh mepad lawé?

¹⁹ Kian, mio muyuh ngerawé idi kai pian ngamo burur kai pa kiung muyuh. Na! Kai pebala maya' pian Keristus pa kiung Allah. Iamo' amung-amung luk ruen kai, O lun rurumku, miak ngetueh anu muyuh.

²⁰ Ui merapang, idi kareb ui macing, kian ui miak nier nemuyuh baken ratnan luk pianku, idi muyuh pana' nier negku baken ratnan luk pian muyuh. Ui merapang inan kedaluh, temaruh, useh, patad-patad, ngedat, payek-payek, mesido' niat, idi ria' lek.

²¹ Ui merapang, kareb ui macing teh Tuhanku ngebeneh negku pa kiung muyuh, pad ui mesusa' niat ngaceku mula' lemulun luk pangeh mesala' atun, idi luk nateh nuren ratnan luk melutak, pasét, idi sawa' luk inau'deh ineh.

2 Korintus

Video 2 Korintus 12

Ikuti Kami:

KONTAK | PARTISIPASI | DONASI