Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kai sikal nemuyuh kali', O kinanak-kinanakku, ratnan katu Allah luk biréNeh bang amung-amung sidang déi' Makedonia.
2 Ideh pangeh tinutun ku susa' luk pelaba rayeh; iamo' ngaceku awang niatdeh luk mela, sagan pana' ideh masi', ideh mekatu.
3 Ui maré kali ratnan ideh nemaré maya' kinula' binawehdeh, idi meluun ratnan kinula' binawehdeh teh. Maya' piandeh sebuleng,
4 ideh mesaad mutuh nekai, pad ideh simén maré kuan lun manu déi' Yudia.
5 Ini meluun ratnan luk pangeh tirawé kai. Iamo' atun ideh nemaré bururdeh kuan Tuhan, idi kuan kai teh, maya' pian Allah.
6 Ngaceku ineh kai nengecuk Titus nutum kekamen ini luk tinimunneh, idi ngedengan nemuyuh pad muyuh ngeriput kekamen mawa ineh.
7 Muyuh lun do' bang luk amung-amung: ieh ineh anu, bada', ileh, amung-amung kél, idi awa muyuh kuan kai. Ngaceku ineh do' muyuh mekatu bang kekamen mawa ini.
8 Ui na maré tuda'-tuda' ukum ratnan ini. Iamo' dengan ngegala' kél lun baken ratnan maré, ui merapet nemuyuh ngegala' rayeh awa muyuh teh.
9 Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.
10 Maya' terawéku, meluun do' nekini muyuh ngeriput luk tinimun muyuh bang lak luk pangeh nepelaba. Muyuh luk pun-pun maré, meluun teh muyuh nemaré dengan mawang niat.
11 Nekini do' muyuh ngeriput kekamen ineh, dengan abud tueh muyuh, pad ngegala' ratnan muyuh mileh mangeh kekamen ineh luk pangeh tinimun muyuh.
12 Kudeng muyuh mawang niat maré, Allah ngalap baré muyuh maya' kinula' binaweh muyuh, baken maya' luk na ilap muyuh.
13 Na ui pian ngeran babeh lun baken idi ngeberat babeh muyuh; iamo' ngaceku muyuh inan petap bang kareb ini, petulu muyuh ngedengan nelun luk masi'. Kudeng ineh teh kareb muyuh masi' idi ideh inan petap, ideh miak ngedengan nemuyuh. Dengan luk kudeng ineh anid-anid burur ngalap luk petap.
14 (8:13)
15 Maya' kudeng luk inayud, "Lemulun luk nengalap mula' ineh na mela, idi luk nengalap sesuut na masi'."
16 Kai ngubur Allah ngaceku Ieh nengegio niat Titus pad ieh geregan ngedengan nemuyuh.
17 Baken ieh pian maya' putuh kai mo', iamo' ieh mawang niat ngedengan nemuyuh, pad ieh geregan amé' nemuyuh.
18 Kai ngecuk seburur kinanak maya' neneh. Kinanak ineh buren bang amung-amung sidang ngaceku kekamenneh mada' Bala luk Do'.
19 Meluun ratnan ineh, ieh pangeh pinili' sidang-sidang, pad ieh maya' nekai bang lawé kai nganau' kekamen mawa ineh, pad ngerayeh Tuhan, idi pad ngegala' ratnan kai pian ngedengan nelun masi'.
20 Kai matar do'-do' ratnan ngimet usin pupuk ini, pad lun baken na ngesala' nekai.
21 Pian kai nganau' luk matu, baken pa kiung Tuhan mo', iamo' pa kiung lemulun teh.
22 Idi kai ngecuk kinanak kai maya' nedidueh ineh. Ieh megéi kua' pangeh sinier kai bang kélneh dengan tuda'-tuda' kekamen; idi nekini ieh meluun kél teh, ngaceku pelaba rapet nemuyuh.
23 Ratnan Titus ineh, idi ieh ineh lun rurumku luk ngakem denganku kuan muyuh, idi ratnan dueh kinanak luk baken ineh, idi didueh mangun ku lun duken sidang-sidang pad ngerayeh Keristus.
24 Ngegala' awa muyuh kuandeh, pad amung-amung sidang kali' ineh, idi pad ideh kali' nekai matu kareb kai ngubur nemuyuh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA