Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Napi hal niki maraqne tiang pade mulai puji diriq tiang pade? Atao napi perlu tiang pade petitoqang surat pujian tipaq side pade, atao lẽman side pade maraq saq teperluang siq dengan-dengan lain?

² Side mẽsaq saq jari surat pujian tiang pade, saq tetulis lẽq dalem atẽn tiang pade dait saq bau tetaoq dait tebace siq sebilang dengan.

³ Ie pade bau serioq bahwe side pade surat saq tetulis siq Almasih, saq tekirim langan tiang pade. Surat nike ndẽqne tetulis kadu mangsi, laguq kadu Roh Allah saq idup; ndẽq ẽndah lẽq atas batu tulis, laguq lẽq atẽ manusie.

⁴ Tiang pade bebase maraq nike lantaran keyakinan tiang pade lẽq Allah langan Almasih.

⁵ Tiang pade ndẽq bedowẽ sopoq alasan jari nyatayang bahwe tiang pade sanggup ngelaksaneang pegawẽan niki, laguq Allah saq ngicanin kemampuan nike tipaq tiang pade.

⁶ Allah saq jariang tiang pade mampu jari pelayan lẽq sopoq perjanjian saq baru; perjanjian saq beharep lẽq Roh Allah, ndẽqne lẽq hukum saq tetulis. Sẽngaq saq tetulis nike jauq kematẽan, laguq Roh Allah nike ngicanin idup.

⁷ Sewaktu perjanjian saq jauq kematẽan nike tepiaq dait teukir lẽq batu, cahaye Allah besinar menah tandur lẽq penjarupan nabi Musa. Cahayene menah gati sehingge bangse Israel ndẽqne sanggup serioq penjarupan nabi Musa, timaq cahaye lẽq penjarupanne nike sampun saru lẽq waktu nike. Lamun saq jauq kematẽan nike tesahang siq kemuliean saq belẽq,

⁸ pasti perjanjian saq tepiaq siq Roh Allah, tesahang siq kemuliean saq belẽqan malik.

⁹ Lamun perjanjian saq ngukum manusie maraq nike muliene, pasti gen muliean malik perjanjian saq gen miaq manusie tejariang kenaq lẽq arepan Allah sehingge hubungan manusie kance Allah jari solah malik.

¹⁰ Jari bau teparan bahwe napi saq laẽq mulie, sampun ndẽq mulie malik lantaran kemuliean saq mangkin niki.

¹¹ Lamun saq cume tahen sementare, maraq nike muliene, pasti napi saq kekel nike gen muliean malik.

¹² Sẽngaq tiang pade bedowẽ harepan maraq nike, make tiang pade bani ngeraos maraq nike.

¹³ Tiang pade ndẽq maraq nabi Musa saq ngilipang penjarupanne kadu kerudung adẽq bangse Israel ndẽq serioq cahaye Tuhan saq gen telang lẽman penjarupanne.

¹⁴ Pikiran ie pade sampun tetutup. Dait jangke jelo niki ẽndah pikiran ie pade masih tetutup siq kerudung lẽq waktu ie pade bace perjanjian saq laẽq nike. Kerudung nike cume bau tebukaq lamun dengan araq lẽq dalem Almasih.

¹⁵ Mangkin ẽndah lamun ie pade bace kitab Musa, kerudung nike masih nutup pikiran ie pade.

¹⁶ Laguq lamun sopoq dengan bebalik tipaq Tuhan, kerudung nike teangkat lẽman muen dengan nike.

¹⁷ Tuhan nike Roh, dait lẽq mbẽ Roh Allah araq, lẽq derike ẽndah araq kemerdẽkean.

¹⁸ Mangkin muente selapuq ndẽq tetutup siq kerudung, dait ite nyatayang kemuliean Junjungan Saq Mulie Deside Isa Almasih. Dait lantaran nike ite secare terus-menerus terobah adẽq jari maraq Ie; sayan ngonẽq ite sayan mulie. Kemuliean nike asalne lẽman Tuhan, dait Roh nike Tuhan.

2 Korintus

Video 2 Korintus 3

Ikuti Kami:

KONTAK | PARTISIPASI | DONASI