Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Totu'ubií kon diaíbií im mangale dumodia. Tongaí mustikubií doman popota'au onu inta aim pino wahyu bo inta pino'ontong i Allah ko'inakoí.
2 Kom bonu in o'ontongon tatua, kinota'auanku intau inta no'ibingkat monik kon soroga tatua, mopuḷuhbií bo opat notaong kolipod. (Diaí doman notarangku totok mongo takin awaknya in no'ibingkat tatua mongo tongaíbií no'iḷabot magií kom mataku -- tongaíbií ki Allah in nonota'au kon tua.)
3 Buionkupa doman: Kinota'auankubií kon intau tatua in no'ibingkat minayak im Pirdaus. (Diaí doman notarangkumai totok mongo takin awaknya in no'ibingkat tatua mongo tongaíbií no'iḷabot magií kon mataku -- tongaíbií ki Allah in nonota'au kon tua.) Kon tampat tatua intau tatua nokodongog kon soaáḷ mita inta diaí mota'au o'umanon in intau bo inta pinoton kon intau, diaí mota'au singogon.
4 (12:3)
5 Intaubií tatua in nokoḷunganga kong ginaku, de'emanbií awakku tontanií. Sin aka ko'i nakoí yo ondabií inta noga'atpa kon awakku, tuabií in duiíonku.
6 Sin aka kuma bo mo'ibog doman aku'oi moduií kon rupa-rupa, yo aku'oi in doiíbií umambungangaḷ mosingog kon uboḷ; ondabií in totu'u, tuabií im poguman. Ta'e tahangonkupabií, simbaí dika bo anggapon monia in aku'oi kon no'iliudon kon onu inta ain inontong bo inta dinongog monia ko'i nakoí.
7 Ta'e simbaí diaí dumodia in aku'oi kon soaáḷ mita inta aim pino'ontong i Allah tatua, daí aku'oi inogoian in naonda bo tobatuí panyaki kom bonu in awakku inta nobalií alat in Ibilis. Panyaki tatua inogoi pino hukum ko'inakoí simbaí diaí dumodia in aku'oi.
8 Ain kotoḷu in aku'oi nopo'igum ko'i Tuhan simbaí inggamaían-Nyadon nongkon awakku im panyaki tatua.
9 Ta'e sinubagan i Tuhan nana'a, "Tugatdon in totabi-Ku ko'inimu; sin aka naniíon ka'ada'an in awakmu, yo kawasa-Ku im modugangbií moropot." Tuabií manangkain mopiabií totok ing ginaku bo duiíonkubií in onu inta noga'at kon awakku. Sin aka aku'oi bo diaídon mokopongonu, yo ko wakutu in tuata korasa'anku ing kawasa i Kristus inta totok im moḷoben motuḷung ko'i nakoí.
10 Tuamai mopiabií ing ginaku aka umuran molemeí nana'a ing ka'ada'an awakku. Bo mopiabií doman ginaku aka lantaran ki Kristus, aku'oi poponapudan uboḷ, mokorasa kon rupa-rupa yoyiga, aḷo-aḷowan makow pogutuíon. Sin aka korasa'anku bo diaídon mokopongonu in aku'oi, yo kon wakutupa doman tuata bo oyuíon kakuatan korasaanku.
11 Totu'ubií kon aku'oi in sinumon intau bodok -- ta'e mo'ikowbií in nomakisa ko'i nakoí nobalií natua. Sabanarnya mo'ikowbií im musti moduií ko'inakoí. Sin umpakah diaí baraguna in aku'oi ko'i monimu, ta'e kom bayongan yagi-yagi aku'oi no'iliubií kon rasul mita inta mongotoyang tua.
12 Bayongan inta mokoherang, inta diaí mita im poliu tua bo oaíidan inta moḷoben, takin kasabaran moḷoben pino'ontongdon baí ontongon doman monimu kon aku'oi na'a in totu-totu'ubií rasul.
13 Sing kon soaáḷbií degaí ta'onda mo'ikow nion im pino tontumi, aka poyobandingonmai in jama'at mita ibanea? Tongaíbií kolikud in soaáḷ mita tana'a: aku'oi doií nokiposusahmai noki'ongkos ko'i monimu. Aku'oi mo'igum ma'ap aka tuabií in nokotaḷaí ko'inakoí.
14 Kotoḷudon na'a aku'oi noroncana mayak mokipodungkuḷ ko'i monimu. Bo aku'oi in doiíbií moki posusahmai ko'i monimu, sin de'emanbií kapunya'an monimu in tayakkonku, ta'e mo'ikowbií. Sin de'emanbií mongoaídií im musti motayak kong ka'anon ing guyanganya, ta'e guyangabií im musti motayak kong ka'anon i adiínya mita.
15 Tuamai mopiabií ing ginaku bo morelabií im moposarahkan im bayongan yagi-yagi, sing kopontingan monimu, nodapotkabií in awakku na'a. Daí aka aku'oi bo totok motabi ko'i monimu, umpakah yo diaípa doman kotabi monimu in aku'oi?
16 O,obií kom mo'ikow in nosatujubií kon aku'oi in diaíbií nokiposusahmai ko'i monimu. Tongaí oyuíon doman im mosingog kon aku'oi na'a in diaí mojujur, mopandoi mongakaḷ sim motayak kong ka'untungan nongkon imonimu.
17 Diaíbií doman! Eta degaí pernah in aku'oi nopotaba' in intau sim mayak motayak kong ka'untungan ko'i monimu?
18 Totu'u kon aku'oi nopotabaí ko'i Titus mayak ko'i monimu, takin intau inta ki utat doman naton ibanea inta noyotakinnya. Ta'e umpakah yo pernah ing ki Titus im motayak kong ka'untungan ko'i monimu? Mogaid tana'a, tujuan naminda in notongkaibií, natua doman in aid mita naminda.
19 Mota'aubií singogon nami kon no'onggot bidon mo'ikow in umuran nosangka makow ko'i nami, kong kami tantuí mobela kon oaíid nami inta diaí mopia kon tayowon monimu. Kon tayowon i Allah bo kinota'auanbií i Kristus, kami moguman ko'i monimu, kom bayongan na'a, ule, utat mita inta kinotabiku, inaidan nami na'a lantaranbií baí mobiag bo modugang im pirisaya monimu.
20 Sin molia-liau ing ginaku, dikabo naonda in aku'oi mamangoi, koaíngoiankumai mo'ikow diaídon naí inta iharapku makow, naí doman tua in aku'oi, koaíngoianmai monimu, diaídon naí inta iharap makow monimu. Sin dikabo mobobayowanmai im mo'ikow, mosi'intoian, sumombong, tongaí mo'ibog morai kong kopontingan tontanií bo mongacau.
21 Molia-liau doman ing ginaku sin dikabo naonda in aku'oi mamangoi bui, popo'ompaían i Allah in aku'oi kon tayowon monimu, bo mongombaḷ in aku'oi sin nobayongdon ing kon sigad monimu in nogaid kon dosa wakutu intua bo diaípa doman nobaḷui, bo tantuípa doman nogaid kon oaíid mita inta mora'at totok bo inta diaí patus aidan i intau inta mopirisaya.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA