Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Untu’ ammimping sikamma pa’gaukang passambayanganga, napilemi Karaeng Daud siagang sikamma pamimping tu Lewi, sikamma bija-bija tu Lewi iamintu: Asaf, Heman, siagang Yedutun. Iami ke’nanga nisare tugasa’ untu’ ampabattui pappasang battua ri Allata’ala siagang nirurungang musi’ kacapi, gambusu’, siagang simbala’. Untu’ ammimping sambayang siagang massing-massing antekamma pa’gaukanna, nipilemi siapa are regu iamintu:

² Appaka ana’ bura’nena Asaf iamintu: Zakur, Yusuf, Netanya, siagang Asarela. Pamimpinna ke’nanga iamintu Asaf, ampabattuai pappasanNa Allata’ala, punna nisare tugasa’ ri karaenga.

³ Annanga ana’ bura’nena Yedutun iamintu: Gedalya, Zeri, Yesaya, Simei, Hasabya, siagang Matica. Nipimpingi ke’nanga ri manggena untu’ ampabattui pappasanNa Allata’ala nirurungang ri musi’ kacapi, siagang akkelong-kelong ammuji kammayatompa appala’ sukkuru’ ri Batara.

⁴ Sampulo angngappa ana’ bura’nena Heman, iamintu: Bukia, Matanya, Uziel, Sebuel, Yerimot, Hananya, Hanani, Eliata, Gidalti, Romamti-Ezer, Yosbekasa, Maloti, Hotir, siagang Mahaziot.

⁵ Heman iami na’bi kalenna karaenga. Napassareangi Batara anjo sampuloa angngappa’ ana’ bura’ne siagang tallu ana’ baine mae ri Heman, lanri le’ba’mi a’janji Batara ri ia untu’ assarei empoang kala’birang.

⁶ Yangasenna anjo ana’na Heman akkarena musi’ simbala’, kacapi, siagang gambusu’ nipimping ri manggena ke’nanga untu’ anrurungangi pa’gaukang sambayanga ri Balla’Na Batara. Asaf, Yedutun, siagang Heman anggappai tugasa’ situru’ pitunju’ battu ri karaenga.

⁷ Anjo ruampuloa angngappa’ ana’ bura’nena ke’nanga siagang bija pammanakanna ke’nanga iami tucara’de’ akkarena musi’ siagang tule’baka nilati. Yangasenna ke’nanga nia’ 288 jaina tau.

⁸ Untu’ antantukangi pa’le’bassang tugasaka, yangasenna ke’nanga ammesoki lomoro’ nigoccanga, tau rungka yareka tau toa, ia niakamo pangalamanna yareka ia beru appilajaraka.

⁹ Anjo 288 tau jaina nibagei lalang ruampulo angngappa’ pa’rappungang situru’ massing kaluargana ke’nanga. Massing-massing sipa’rappungang nia’ sampulo anrua tau jaina nipimping ri se’re tau. Iaminne susunanna arenna ke’nanga situru’ lomoro’ le’baka nigoccang: 1. Yusuf battu ri kaluargana Asaf ~~ 13. Subael; 2. Gedalya ~~ 14. Matica; 3. Zakur ~~ 15. Yeremot; 4. Yizri ~~ 16. Hananya; 5. Netanya ~~ 17. Yosbekasa; 6. Bukia ~~ 18. Hanani; 7. Yesarela ~~ 19. Maloti; 8. Yesaya ~~ 20. Eliata; 9. Matanya ~~ 21. Hotir; 10. Simei ~~ 22. Gidalti; 11. Azareel ~~ 23. Mahaziot; 12. Hasabya ~~ 24. Romamti-Ezer;

¹⁰ (25:9)

¹¹ (25:9)

¹² (25:9)

¹³ (25:9)

¹⁴ (25:9)

¹⁵ (25:9)

¹⁶ (25:9)

¹⁷ (25:9)

¹⁸ (25:9)

¹⁹ (25:9)

²⁰ (25:9)

²¹ (25:9)