Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai isuruh si Hiram, raja hun Tirus ma suruhanni marayak si Daud mamboan hayu ares pakon tuhang batu ampa tuhang hayu, laho paulihon sada rumah bani raja ai.
2 Jadi iahap si Daud ma, na dob pinajonam ni Jahowa do ia gabe raja i Israel, ai lambin timbulni do harajaonni ai halani bangsani halak Israel.
3 Ibuat si Daud ope boru bahen parinangonni i Jerusalem, gabe tubuh ope bani si Daud anak pakon boru.
4 On do goran-goran ni anak na tubuh bani i Jerusalem: Si Sammua, si Sobab, si Natan, si Salomo,
5 si Jibhar, si Elisua, si Elipelet,
6 si Noga, si Nepeg, si Japia,
7 si Elisama, si Beelyada pakon si Elipelet.
8 Jadi dob ibogei halak Palistim, na dob iminaki si Daud gabe raja manggomgom ganup Israel, tangkog ma ganup halak Palistim laho mardakdak si Daud. Dob ibogei si Daud barita ai, luar ma ia manjumpahkon sidea.
9 Marrohan ma halak Palistim, anjaha marsaran ma sidea i pamah Repaim.
10 Dob ai isungkun si Daud ma Naibata, nini ma: Bulih do ahu tangkog mandorab halak Palistim, anjaha ondoskononmu do sidea hu bagas tanganku? Nini Jahowa ma hubani: Tangkog ma ho, ai domma huondoskon sidea hu bagas tanganmu.
11 Jadi dob das sidea hu Baal-Perasim, italuhon si Daud ma sidea ijai. Nini si Daud ma: Domma mambur merap munsuhku ibahen Jahowa marhitei tanganku, songon parmerap ni bah na marbanggal. Halani ai do ase igoran ianan ai Baal-Perasim.
12 Itadingkon sidea ma naibata-naibata ni sidea, gabe iparentahkon si Daud ma, ase ipuruni ai ibagas apuy.
13 Iulaki halak Palistim ma use roh, anjaha marsaran ma sidea i pamah ai.
14 Dob ai isungkun si Daud ma use Naibata, gabe ibalosi Naibata ma ia: Seng bulih ho tangkog mangayak sidea, tapi dorab ma sidea hun pudi ni sidea, anjaha humbani hayu baka ai ma ho roh mandorab sidea.
15 Anggo ibogei ho ma sora ni na marbaris i punsu ni hayu baka ai, luar ma ho mamorang sidea, ai Naibata do mardalan i lobeimu, laho manaluhon bala ni halak Palistim.
16 Jadi ibahen si Daud ma sonai romban hubani na pinarentahkon ni Naibata bani, gabe ipatunduk ma halak Palistim, singgan ni Gibeon das hu Geser.
17 Jadi sar ma barita ni si Daud hubani haganup nagori, anjaha ipasogop Jahowa ma biar mangidah raja ai hu bagas uhur ni ganup bangsa sipajuh begu-begu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA