Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob paduatahunkon si Saul manrajai halak Israel,
2 ipilih ma bani tolu ribu halak hun bani halak Israel; dua ribu hunjai rap pakon si Saul i Mikmas pakon i tanoh Dolog Betel, anjaha saribu halak rap pakon si Jonatan i Gibea-Benjamin; isuruh do anggo bangsa na tading ai mulak hu lampolamponi bei.
3 Italuhon si Jonatan ma bala ni halak Palistim, na adong i Geba; ibogei halak Palistim ma ai, na maningtingkon: Domma marbalik halak Heber. Tapi isuruh si Saul ma na manompul tarompet i sab tanoh on.
4 Jadi ibogei ganup halak Israel ma, na dob italuhon si Saul bala ni halak Palistim, anjaha na dob bador halak Palistim ibahen halak Israel. Jadi ihara ma bangsa ai mangirikkon si Saul hu Gilgal.
5 Martumpu ma halak Palistim laho marporang dompak halak Israel, tolu puluh ribu gareta pakon onom ribu siajak huda anjaha bala songon horsik na i topi ni laut bueini; tangkog ma sidea anjaha marsaran ma sidea i Mikmas, hampit hapoltakan ni Bet-Aven.
6 Jadi dob iidah halak Israel, na dob tarsosak sidea, ai parah do sidea hona asak, marponop ma bangsa ai hubagas liang, hubagas luhung pakon hubagas parigi,
7 tapi na legan ai idipari ma Bah Jordan laho hu tanoh Gad pakon Gilead. Tapi i Gilgal ope si Saul, anjaha ganup bangsa ai hitir bei do mangirikkonsi.
8 Anjaha ipaima ma pitu ari, das bani panorang na tinonahkon ni si Samuel, tapi lanjar do seng roh si Samuel hu Gilgal, jadi merap ma halak simbuei ai hun lambungni.
9 Nini si Saul ma, “Boan ma galangan situtungon pakon galangan pardameian bangku.” Jadi igalangkon ma galangan situtungon ai.
10 Dobkonsi igalangkon galangan situtungon ai, tonggor ma, roh ma si Samuel, jadi luar ma si Saul manjumpahkonsi anjaha itabi ma ia.
11 Nini si Samuel ma, “Aha do na binahenmu in?” Jadi nini si Saul ma, “Dob huidah merap bangsa in hun bangku, anjaha seng roh ham ibagas ari na dob tinotapkon, anjaha na dob martumpu halak Palistim i Mikmas.
12 Ningku ma, tuad ma holi halak Palistim mandorab ahu i Gilgal, anjaha seng ope hupindo idop ni uhur ni Naibata, jadi hupatenger ma uhurhu, anjaha hugalangkon ma galangan situtungon on.”
13 Jadi nini si Samuel ma dompak si Saul, “Haotoon do na binahenmu in; seng ibalosi ham parentah ni Jahowa, Naibatamu, na pinarentahkon-Ni bamu; ai sihol do patotapon ni Jahowa harajaonmu, laho manggomgom halak Israel sadokah ni dokahni.
14 Tapi nuan seng be totap harajaonmu in, domma ipindahi Jahowa sada halak na umbuk bani uhur-Ni; anjaha Jahowa do na pabangkitkonsi gabe pambobai ni bangsa-Ni, ai lang ibalosi ham na pinarentahkon ni Jahowa bamu.”
15 Dob ai bingkat ma si Samuel lanjar tangkog hun Gilgal hu Gibea-Benjamin. Ibilang si Saul ma halak na rap ope pakonsi, hira-hira onom ratus halak bueini.
16 Anggo si Saul pakon si Jonatan anakni ai ampa bala na rap pakon sidea ai, i Gibea-Benjamin do marianan; tapi i Mikmas do anggo halak Palistim marsaran.
17 Dob ai luar ma tolu hulanan panamun hun parsaranan ni halak Palistim ai, sada aroan laho dompak Opra, hu tanoh Sual;
18 hulanan na sada nari laho dompak Bet-Horon; aroan na sada nari use laho dompak parbalogan, panatapan dompak habungan Seboim, hampit halimisan.
19 Tapi seng dong jumpah age sada tukang bosi i tanoh Israel, ai nini uhur ni halak Palistim, “Ase ulang itopa halak Heber bani podang barang tanja.”
20 Halani ai maningon tuad do ganup halak Israel marayak halak Palistim laho pamarotkon mata ni tinggalani, hapakni barang sasabini;
21 anjaha upah tuhangni dua partolu sekel hu bani mata ni tinggala pakon parang, anjaha sapartolu sekel pamarotkon tangkei barang paulihon tobak-tobak.
22 Ase seng dong jumpah bani ari parporangan ai podang barang tanja bani na mangirikkon si Saul pakon si Jonatan; tapi bani si Saul pakon si Jonatan anakni ai adong do.
23 Anjaha sada hulanan hun bani halak Palistim laho do hu baluran ni Mikmas.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA