Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Anden Kristus watukmu yet harik iyahon ino tot welamuhukmu umbagpag toho waruhureg an nubam oho selehap tuhuwon inowen hit hunubam tot nele imin. Nori, hit sehelimu penatua welahebon an henere oho penatua welahiyonen komo henepmin.
2 Allah ambohom domba hit hininggikmu og hisarisiyon arimano fer enesug lit nininggik lisoho unduhuk nunubaharusa puk fug angge Allahn peruk ane hag toho henesukun fano roho fer enesug lamuhup. Nininggikmu nenengge anggolo welalep puk fug angge hinindimu henehiyeg toho welamuhup.
3 Hit iniknisi hag toho wereg lit it henemingmingangge hag toho mingming eneptuk lamuhup fug. Allahn domba hag toho hininggikmu og hisarisiyon arimanowen hit fahet fano peruk lamuhuben wirimangge it fahet hit welahep.
4 At domba ngi ahun suwon ino waruhureg onggo og hisaruk lit wam simi isag isaruk latusa hag toho fanowon eleg am fuhon og hisahu.
5 Nori, hit ap kabini welahebonen honowesi penatua enele holtuk lamuhup. Hit obog tohowen nit apma welahe peruk lit hit-hit apmayap taruk lamuhup. Ininggareg wel tarukon arimano Allahn nirim peruk lit apmayap tarukon arimano fahet Indi enesug lit wereg.
6 Aren puhu sambil hit palimuwap henebuhuwen Allah inggik ineyon ino palimu weregma hininggarehen apmayap taruk lamuhup.
7 Hinindi anggin toho welahebon At inggikmu emberukmu Aren hit fet henesug lit hinindi seyap henebuhu.
8 Hinil wirik toho kahaleg lamuhup. Seliyon Iblis inowen hit walinggoho mase heneptuk lit olomene olokonen hilak-hilak laruk lit ap senggel enepmin ulug yami eneptuk hag toho yami heneptuk.
9 Hinindi wirik toho Allah fam wenggel haruk lit sap turuk lamuhup. Honori kema-kema werehon oho unubam atuk ane ambi roho nunubam atuk ulug hit honoluk.
10 Allah amuwen Indi henesug lit hit hunubam il misig tot siyag atisiyon arimano An min mondabi fano welamuhup ulug Kristus unuk fam wol heneptisi. Wol heneptisireg At inowen wanggun men yaha men hininggikmu emberuk lit henebe ineyap henebuhu. Henebe ineyap henebuhureg hinindi wirikap heneptuk lit kinang ineyon fam unduhuk hunubahaku.
11 At misig eneg mondabi Ine roho wereg lit pohol ha kinang ha ki haruk lit wereg. Amin.
12 An nare Silwanus asukun fano roho wereg ulug peruk lahiyon inowen let naptukmu suwesingga il horog toho tu hit hunubahet emberuk lahi. Allah we tem toho Indi henesug lit wereg ulug hunubam nele uruk lit hiren hinine roho senetuk lamuhup ulug komo heneptuk lahi.
13 Honori Allahn mumal eneptisiyon o Babilon aru werehon arimanowen oho namloho Markus inowen oho hi heneptuk.
14 Hinindi misig toho wereg lit honori mako pug toho hi eneptuk lamuhup. Nonowe Yesus Kristus apma welahebon Aren hinindi yuwahap henebuhu ulug hunubahet sembahyang uruk lahi. Amin.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA