¹ Ki san ee zi mo tana iltikinnik de babu gwe-gwen zi? – in zep de ee aha zi mo dwam gwibin sin gwe gwen hapye. Ki san abe hap hom Bian Yesus golblaka? – ee de zere hap de ol dawemsa gol halada gwen hap denaye. Ki san ha ee ahakore zere mo dam tasibin zi mo kim home hen Zenaka hla tak? Ki san em ano syala kon home Biansa tame lak?
² Aha zi de asa gublunkam, “Paulussu Bian hom dam tasiki,” hwena em emaka enblaꞌan, “In Bian dam tasiki, sap ee an zeno syal gwibinkime Biansa tame lak.”
³ Ënaka de kirekam gublunkam, “Em Bian mo dam tasin zisi hom,” ee hwena amaka ding gulzimꞌin:
⁴ Ki san ee Barnabas han ere nik mo syala kon bejene tembane e gwen? – men kirekam Yesus mo ahakore dam tasibin zini egwe gwenanye.
⁵ Ahaksa san ha ee Barnabas han bejene Kristen we dare naban itenda gwen? – men kirekam Bian mo ahakore dam tasibin zini hen Bian Yesus mo oso walya nolete gwenanye. Petrus zena in kirekam hen we zemka goltenda gwenda.
⁶ Hen san ha Barnabas han e-en tangan? – aen de tembane hap ahakal gwen naye.
⁷ San ha jana nabare zini ki eijannak ang gweka? – zen de tembane hap hakal gwenkamye. San ha anggur nga syal gwe-gweblan zini ki syal gweka? – zen de zeno ei nika twinbin sremkamye. Hen domba zaho ta gwibin zini san ha ki zaho tabirki? – zen de dombana in mo mom kilsi otde gwen sremkamye. Diki sap hen ano nik mo dena– kirekam de ere nik mo syala kon ulin gwen hap denaye!
⁸ Insa ep ale gulzim, zen okamanak de zini kirekam egwe gwenan– dekam de em dam gulsun hup, “Sap sa Paulus syala an kore eini twin gwibiri.” Alap mo epba olak kire hap dena hen ki lwaꞌan.
⁹ Sap Musa mo titi tabin olak man lwak, “Sapi de gandum dansa zaublun danaseranna– dekam de ebwalom gwen hap, ekna bahem kyang sosublun. Dikire twenblan danasenk.” Kirekam de lwankam, ki san ha Alap sapi ensa kirekam enlala gwibiridaka?
¹⁰ Kirekam bejen. Zen hen Yesus mo dam tasibin zini abe mae hap kirekam nwe-mase gwizimꞌin. Sap ngana lu tan wenya, eiyas tan wenya, hen taran wenya, zen kitak man edwam gwe-gwenan– ngana in kore ei nika de twin gwibin hipye. Zep Bian mo nganak de syal tan wenya ee hen kirekam.
¹¹ Ëe Barnabas han mese ang hap de otanena eno mae mo enhonak eiyas lak. Hwena angkam san ha em emaka asa husus eizimꞌin? – ee de okamanak dep de tembanesa ebon mae onakon ulin gweꞌanamye.
¹² Hwena aha zi enna ki ebon mae onakon nulin gwenan. Diki nonol tanganna asa emaka mas ei gwizimnin. Zen sap ano nik mo dena– ebon mae onakon de ulin gwen hapye. Hwena ee home kirekam ulin gwenan. Ëe mae habe tahalha naban anakare enlala naban totoresa e gwenan, “Nen de ba maesa nere nik mo syal eibin zi nikon ulin gwenkam, dekam hwena zen sa Kristus hup de ol dawemna baes neibir.”
¹³ Hwena ena mes em-am etawa gwek: Zini men zen Alap mo golak syal ta gwenan, zen dekon hen tembanena nulin gwenan. Hen men zen tweran ninni Alap hap tru dasik gweblanan, zen hen dekon tweran ninni nulin gwenan.
¹⁴ Zen in zep hen Bian zere mo ol dawem gol halada gwen wenya anakan gubiridaka, “Em ere mo tawa tabin nikon esa tembanena ulin gwer.”
¹⁵ Zep zen sap ano dena– kire nakon de tembanesa gulin gwen hap denaye. Hwena ee aha-en mae home gulink. Hwena suratna ansae ale gulzimꞌin, zen anakare enlala naban hom, “Dekakim ap nol gweblak.” Sap zen dekone isrip-sri gwe-gwenan– anakare hap, “Diki Bian sa lamkam ano syal eini ansa ap golblala.” Zep ee ama tangan baes gweꞌan– em de ba maesa ap golblankam de ano isrip-srina in tap gwen hapye.
¹⁶ Sap ee anakare en hap bejene isrip-sri gwen, “Syala men desa Bian abe hap wei yul soneblaka, ee ama desa syal gwe-gwibirin– engaya gwen hap de ol dawemsa de gol halada gwenkamye.” Sap ee de desa gol halada gwen sremkam, Bian sa asa karek tala.
¹⁷ Ëye pegawaikam syal gweꞌanam, ki maka okamanak dep de gajina ap nol gweblaꞌan. Hwena Alap Zen syala insa ap wei yul soneblaka– ee de Zebon de babu gwen zi mo kim totoresa sul sonen hap.
¹⁸ Hwena babu gwen zini abe hap an zen ano isrip-sri gwibin niye: “Ëe Alap mo ol dawemna totore tangansae gol halada gwenan. Abe hap men desa maka sap syala in kon nol gweblaꞌan, ee home aha-en mae gulink.”
¹⁹ Zep ee anakare enlala naban home kara ta gwibirin, “Zen sa asa te-alakam mas neblal.” Ki hwena ano syal de nwe-mase gwen hap– san de ee te-ala hap de syal gwe-gwen zi. Hwena ano syala eiwa ki hen babu gwen zi mo kim nwe-mase gwe-gwenan, sap ee ama enlala betekkam mas gwibirida gwenan– dekam de beyakam halen ora san golewet so gwen hap.
²⁰ Zep ee kime Yahudi zi niban golesyal ta gwenan, ee dekam etan Yahudi zi mo epba lowehen sane ang gwe-gwenan. Zen Musa mo titi tabin ol san de enaka ngaya tan hap home ang gwe-gwenan. Hwena Yahudi zi de asa sam gwesiblin habe desan ang gwe-gwenan. Ëe mae habe kirekam gwe gwenan– dekam de zen hen Kristussu tame tan hap.
²¹ Hen kirekam– Yahudi srem zi niban de golesyal ta gwenkamye. Dekam ano gwenna san de Yahudi srem zi– Musa mo ol san de ang gwe-gwen sremna. Zen hen Yahudi srem zi dikim Kristussu tame tan hap ee ki gwe gwenan. Ëe kime Musa mo ola in san ang gwe srem gwe-gwenan, zen anakare enlala naban hom, “Ëe home Alapsa betek gweblaꞌan.” Ëe dekam hwena Kristus mo titi tabin ol en sane ang gwe-gwenan.
²² Ëe kime hen Kristussu de taibliblannak de tatem ezauk gwen srem wenya ban golelowehe gwenan, ee dekam hen zeno mae mo lowehen sane ang gwe-gwenan– dekam de zen hen Kristus en onak tatem ezauk gwen hap. Zep zini men kirekam lowe henda gwenan, ee hen dekam zeno mae mo kime gwe gwenan– dekam de hen zewe denaka ngaya tabin hip.
²³ Zen kitak Alap onakore ol dawemna insa dikim langa gulsuk haladan habe kirekam syal gwe-gwibirin. Sap ano isrip-sri gwibinni zen zen tangan, hen nen dekon esa lamkam heꞌho gwibinni hla kul.
²⁴ Em dwan mes-eme etawa gwek: Asyas hap de hlu-hluk tanna, zen beya nik sa ehlu-hluk gwer. Hwena aha-en, men zen de nonol hataꞌanka, zen zen en de kire-kire dawemna gul irinkim. Zen in zep, emki hen hlu-hluk gwen makan egwen– anakare enlala naban, “Ëe aka kire-kire dawemsa gulink.”
²⁵ Men zen hlu-hluk gwen hap ehohle gwe-gwenan, zen nonol timsi misrim-sri nil gwenan, hen man zenaka dawemkam noleinik gwe-gwenan– anakare enlala naban, “Ëe aka nonol gwek.” Men zen enonol gwe-gwenan, zen auhu-kamana an kore kire-kire dawem ensa nulin gwenan. Nen hwena hendep de lwan hap de kire-kiresa de gul irin hibe ealp gwe-gweꞌan.
²⁶ Ëe in zebe dam-dam enkam de hluwen hap alp gwe-gweꞌan. Ahaksa, ee an san de tahakam de zenaka lek-lek ta gwibin asyasnak de ang gwe-gwenna. Ëe bejene sap desan totoresa lek tya gwen.
²⁷ Ëe zebe ere mo timni enaka de lek-lek ta gwenkam drak-drak gul gwenan– dekam de hendep ere mo timsi dawem enkam golinik gwe-gwen hapye. Ëe mae habe enaka kirekam zerinik gwe-gwenan: Sap ee mese beyakam kire asyasnak dep zini kwang guludak. Hwena Bian Alap de wasib mo kim asa gublunkam, “Em mese asyas peraturansa gulmunku. Em de asyasna an kon kire-kire dawemsa gul irin hip, eno bosena hom,” – ki ee asa tangan saher gwer.