Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Mi'odumadumagõ ndra'odo, si mane ya'odo sangodumadumagõ Keriso.
2 Usuno ami me itõrõ tõdõmi ndra'odo ba mi'o'õ wamahaõ nibe'egu khõmi.
3 Ba hiza omasi ndra'o mi'ila sambalõ tõ, ya'ia wa hõgõ ndra matua ya'ia Keriso; hõgõ wo'omo ira alawe ya'ia ndra matua, ba hõgõ Keriso ya'ia Lowalangi.
4 Na ifake mbalubalu hõgõ ira matua na inõtõ mangandrõ ma na inõtõ wama'ema turia soroi Lowalangi fõna zato, no i'o'aya Keriso niha andrõ.
5 Ba na lõ ifake mbalubalu hõgõ ira alawe na inõtõ mangandrõ ma na inõtõ ifa'ema duria soroi Lowalangi fõna zato, no i'o'aya wo'omonia si no hõgõ khõnia. Eluahania hulõ nitõwõ mbu ndra alawe andrõ.
6 Na lõ ifake mbalubalu hõgõ ira alawe, abõlõ sõkhi na teguti mbunia. Ba na tetõwõ ma zui teguti mbu ndra alawe, no fango'aya da'õ khõnia. Andrõ abõlõ sõkhi na ifake mbalubalu hõgõ.
7 Lõ moguna ifake mbalubalu hõgõ ira matua, bõrõ me fangoroma nga'eu Lowalangi ia awõ lakhõmi Lowalangi. Ba hiza no fangoroma lakhõmi ndra matua ndra alawe andrõ,
8 bõrõ me tenga moroi ba ndra alawe tefazõkhi ndra matua, no ira alawe nifazõkhi moroi ba ndra matua.
9 Tefazõkhi ndra matua tenga soguna khõ ndra alawe, ba hiza tefazõkhi ndra alawe soguna ba ndra matua.
10 Bõrõ da'õ, ena'õ lafaduhu'õ gõi ira mala'ika andrõ wa lõ tola lõ ifake mbalubalu hõgõ ira alawe, si tobali tandra wa barõ mbawa wo'omonia so ia.
11 Ba hew̃a'ae si manõ, ba wa'aurida ya'ita Niha Keriso, lõ tefa'aso ndra alawe ha ya'iya'ia, faefa moroi ba ndra matua, ba lõ gõi tefa'aso ndra matua ha ya'iya'ia, faefa moroi ba ndra alawe.
12 Bõrõ hew̃a'ae tefazõkhi ndra alawe si fõfõna moroi ba ndra matua, ba hiza aefa da'õ tumbu ndra matua moroi ba ndra alawe; ba fefu ngawalõ hadia ia no moroi ba Lowalangi.
13 Mitandraigõ mitimba tõdõmi da'e: Hadia sõkhi na mangandrõ ndra alawe khõ Lowalangi fõna zato, lõ balubalu hõgõ?
14 Si to'õlõnia, no labe'e wamahaõ wa lõ faudu na anau mbu ndra matua.
15 Ba ndra alawe tebe'e mbu ba wombalugõ hõgõnia, ba no fanuno khõnia mbu sanau andrõ.
16 Lau, na so zomasi fasoso ba da'e, ba ha sambua wehedegu ya'i, ya'ia wa so khõda wa'ato'õlõ si manõ, he ba khõda ba he gõi ba mbanua Lowalangi tanõ bõ'õ; lõ hadõi fa'ato'õlõ bõ'õ.
17 Ba niw̃a'õgu fanete da'e, lõ tola usuno ami. Angowuloami tenga ba wamatumbu'õ si sõkhi, no si lõ sõkhi.
18 Si fõfõna sibai urongo, wa ba gowuloa mbanua Niha Keriso khõmi tesõndra gorahua si lõ fa ha sara dõdõ faoma fatambai. Ba faduhu dõdõgu wa atulõ õsa duria andrõ.
19 Si to'õlõ sa wa alua wabalisa gera'era khõmi, ena'õ oroma dania haniha nono mbanua Keriso sindruhu.
20 Ba hiza, na owulo ami, tenga falulusa manga khõ Zo'aya nifaluami da'õ.
21 Bõrõ, na manga ami, oi zara fahulõ ami wanga'i gõmi samõsa, irege so zi lõ irugi hadia ia, ba irege mabu sa danõ bõ'õ.
22 Hana wa si manõ? Hadia, tenga si so omo ami? Tola manga ami ba mibadu hadia ia ba da'õ! Ba hadia omasi ami mi'o'aya mbanua Lowalangi ba mi'o'aya niha si numana? Hadia zi lõ tola lõ uw̃a'õ khõmi? Hadia, usuno ami? Lõ'õ! Ma'ifu lõ usuno ami.
23 Nifahaõgu khõmi, no nitemagu moroi khõ Zo'aya: me bongi andrõ, me te'a mbõli, Yesu, So'aya ya'ita, Ihalõ roti,
24 ba me no aefa I'andrõ saohagõlõ khõ Lowalangi ba roti andrõ, Iboboto roti andrõ faoma tanga-Nia, aefa da'õ Imane, "Boto-Gu da'e, nibe'e salahimi. Milau da'e ba wanõrõ tõdõ Ya'o."
25 Si manõ gõi me no aefa manga, Ihalõ mako nagu aefa da'õ Imane, "Amabu'ula li Lowalangi si bohou nagu andre, nifaduhu'õ ba ndro-Gu. Ero na mibadu da'e, milau ia ba wanõrõ tõdõ Ya'o."
26 Ero na mi'a roti ba mibadu nagu andre, no mituriaigõ wa'amate Zo'aya, irugi wa'atohare-Nia.
27 Bõrõ da'õ, si manga roti Zo'aya ba samadu agu Zo'aya ba zi tenga lala sinangea, no mosala ia ba mboto awõ ba ndro Zo'aya.
28 Tobali, dozi niha akha isekhegõ ia ua, awena tola i'a roti ba ibadu nagu andrõ.
29 Na so zi manga roti ba samadu agu ba si lõ ba dõdõ sa wa falulusa manga andrõ mo'amakhaita ba mboto Zo'aya, no i'a ba ibadu huku khõnia samõsa soroi khõ Lowalangi.
30 Da'õ mbõrõ wa ato ba gotaluami zofõkhõ ba si lõ dõladõla, ba so gõi zi no mate.
31 Ba hiza, na tasekhegõ ita ua, lõ Ihuku ita Lowalangi.
32 Na Ihuku ita Lowalangi, ba Ya'ia zamõbõzi ya'ita, ena'õ lõ tehuku ita awõ gulidanõ andre.
33 Bõrõ da'õ, ya'ami ira talifusõgu, na owulo ami ba walulusa manga khõ Zo'aya, mifaoma mibaloi nawõmi.
34 Na so zolofo, akha manga ua ia ba nomo. Na mi'angenanõi da'e, ba lõ tobali fanguhuku khõmi wa'owulowulomi ba wangandrõ andrõ. Sanandrõsa ba danõ bõ'õ, u'ombakha'õ khõmi, na tohare ndra'o dania.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA