Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Rato Daud ban para pamimpinna oreng Lewi mele om-kaom Lewi se kasebbut e baba reya, epamimpin ra-opacarana kabakteyan: Asaf, Heman ban Yedutun. Reng-oreng jareya eberri’i kawajiban manapa’ dhabu dhari Allah sambi etoro’e mosik calempong, gambus ban simbal. Kaangguy mimpin kabakteyan ban opacarana bang-sebang, epele gu-reggu e baba reya:

² Ana’ lalake’anna Asaf se kaempa iya areya: Zakur, Yusup, Netanya ban Asarela. Pamimpinna iya areya: Asaf, se manapa’ dhabu dhari Allah, mon etugassagi bi’ rato.

³ Ana’ lalake’anna Yedutun se kaennem iya areya: Gedalya, Zeri, Yesaya, Simei, Hasabya ban Matica. Reng-oreng jareya epimpin ramana, manapa’ dhabu dhari Allah etoro’e mosik calempong ban anyanye gu-lagu pojiyan sarta anyata’agi sokkor ka PANGERAN.

⁴ Ana’ lalake’anna Heman se pa’ bellas oreng iya areya: Bukiya, Matanya, Uziyel, Sebuwel, Yerimot, Hananya, Hanani, Eliyata, Gidalti, Romamti-Ezer, Yosbekasa, Maloti, Hotir ban Mahaziyot.

⁵ Heman reya nabbi pribadina rato. Bi’ Allah, Heman jareya eparenge ana’ lalake’ pa’ bellas ban ana’ babine’ katello sabab Allah la ajanji aparenga kakobasa’an ka Heman.

⁶ Na’-ana’na Heman jareya kabbi nabbu mosik simbal, calempong ban gambus se epimpin ramana kaangguy noro’e opacarana kabakteyan e Padalemman Socce, Asaf, Yedutun ban Heman narema tugas menorot petoduna rato.

⁷ Ana’ lalake’anna oreng se katello jareya, se bannya’na kabbi pa’ lekor oreng ban la-balana, kaetong li-ahli mosik se la elate. Kabbi bannya’na badha dhu ratos ballung polo ballu’ oreng.

⁸ Kaangguy nantowagi giliranna tugas, reng-oreng jareya kodu padha ajumbu’ ellot kabbi — towa ngodha, se la apangalaman otabana se gi’ buru ajar, padha bai.

⁹ Oreng se dhu ratos ballung polo ballu’ jareya egi-bagi epadaddi pa’ lekor galumpo’ menorot kalowargana bang-sebang. Po’-sagalumpo’na bannya’na dhubellas oreng, epimpin settong oreng. Areya’ toro’ gilirra nyamana menorot ellodanna: 1. Yusup dhari kalowargana Asaf ~~ 13. Sebuwel; 2. Gedalya ~~ 14. Matica; 3. Zakur ~~ 15. Yeremot; 4. Yizri ~~ 16. Hananya; 5. Netanya ~~ 17. Yosbekasa; 6. Bukiya ~~ 18. Hanani; 7. Yesarela ~~ 19. Maloti; 8. Yesaya ~~ 20. Eliyata; 9. Matanya ~~ 21. Hotir; 10. Simei ~~ 22. Gidalti; 11. Azare’el ~~ 23. Mahaziyot; 12. Hasabya ~~ 24. Romamti-Ezer;

¹⁰ (25:9)

¹¹ (25:9)

¹² (25:9)

¹³ (25:9)

¹⁴ (25:9)

¹⁵ (25:9)

¹⁶ (25:9)

¹⁷ (25:9)

¹⁸ (25:9)

¹⁹ (25:9)

²⁰ (25:9)

²¹ (25:9)