Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai mangkawah ma ahu use dompak datas, jadi tonggor ma, sada buku ginulung na habang.
2 Jadi nini ma hu bangku, “Aha dong ididah ham?” Ningku ma mambalosi, “Huidah do sada buku ginulung na habang; ganjangni dua puluh asta anjaha bolagni sapuluh asta.”
3 Dob ai nini ma hu bangku, “In ma papa na maniar sab tanoh on; ai sagala panangko siapkononkon do domu hujai, hunjon-hujanan, anjaha sagala sibijahon na tongon, siapkononkon do domu hujai, hunjon-hujanan.
4 Domma Hupaturut laho papa ai,” nini Jahowa Zebaot, “jadi masukanni ma rumah ni panangko ampa rumah ni halak sibijahon na tongon marhitei goran-Ku; marianan ma ai i rumahni anjaha boiskononni ma parhayuni ampa batu-batuni.”
5 Dob ai roh ma hundohor malekat hasomanku marsahap ai, anjaha nini ma hu bangku, “Kawahkon ma dompak datas, anjaha tonggor ma atap aha do na roh hundohor ai!”
6 Jadi ningku ma, “Ai aha do ai tongon?” Nini ma, “Tapongan do na roh hundohor ai.” Anjaha nini ope, “Ai ma hajahaton ni sidea i sab tanoh in.”
7 Anjaha tonggor ma, tarangkat ma tutupni humbani simbora ai, anjaha adong do sada naboru hundul ibagas tapongan ai.
8 Dob ai nini ma, “In ma hajahaton ai.” Jadi ionjarhon ma naboru ai hubagas tapongan ai, anjaha inahkon ma simbora na sangkimpal ai hu babou ni ai.
9 Dob ai mangkawah ma ahu dompak datas, gabe tonggor ma, dua naboru roh hundohor anjaha logou do ibagas habong ni sidea, songon habong ni sitindaulog do habong ni sidea, anjaha iusung sidea ma tapongan ai i holangkolang ni tanoh pakon langit.
10 Jadi ningku ma bani malekat hasomanku marsahap ai, “Huja do boanon ni sidea tapongan ai?”
11 Nini ma hu bangku, “Hu tanoh Sinear, laho paulihon sada rumah bani ijai;” siapkonsi ai inahkon sidea ma tapongan ai bani iananni.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA