Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kuparhatikangi pole, nampa nia’mo pole kucini’ iamintu se’re kitta’ nigulung anri’baka rate ri allaka.

² Napakkuta’nangngangi anjo malaekaka anjo apa kucinika. Appialima’ angkana, "Se’re kitta’ ta’gulung anri’ba’ rate ri allaka. La’buna salapang metere’ siagang sangkara’na appa’ sitangnga metere’."

³ Nampa nakana ri nakke, "Nia’ tattulisi’ lalang ri anjo kitta’ ta’gulunga iamintu kana-kana pattunra mae ri sikontu anne pa’rasanganga. Niaki tattulisi’ angkanaya sikamma palukkaka lanipasuluki battu anrinni ri pa’rasanganga. Siagang ri maraengannaya tattulisi’ tongi angkanaya sikamma tau assumpa balle-ballea lanipasulu’ tongi.

⁴ Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla’na palukkaka siagang ri balla’na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa’genna a’jari lica’."

⁵ Ammumbai pole anjo malaekaka na nakana, "Ciniki! Nia’ pole battu!"

⁶ Akkuta’namma’ angkana, "Apa anjo?" Appialimi angkana, "Se’re karanjeng. Iaminjo pangngebarang dosana sikontu anne pa’rasanganga."

⁷ Anjo karanjenga tima pattongko’na. Lalang kuparhatikanna, ta’angkaki anjo pattongko’na, siagang a’nassami angkanaya nia’ sitau baine ammempo lalang ri anjo karanjenga.

⁸ Nakana anjo malaekaka, "Anne bainea iamintu pangngebarranna kaja’dallanga." Nampa najallakkang ammotere’ anjo bainea antama’ ri karanjenga siagang natongko’ ammotere’ anjo karanjenga.

⁹ Accini’ naika’ na nia’ kucini’ rua baine anri’ba’ mae ri nakke. Akka’nyiki ke’nanga na sanna’ kassa’na ka’nyi’na, sangkamma ka’nyi’na kondoa. Naallei ke’nanga anjo sumpaeng karanjenga nampa naerang ke’nanga anri’ba’.

¹⁰ Akkuta’namma’ mae ri anjo malaekaka angkana, "Lanaerang kemae ke’nanga anjo karanjenga?"

¹¹ Appialimi angkana, "Mange ri Babel. Anjorengi ke’nanga lanapa’bangungang balla’ panynyombang. Punna le’ba’ anjo balla’ panynyombanga, lanapadongkoki ke’nanga anjo karanjenga anjoreng untu’ nasomba."

Zakharia

Video Zakharia 5

Ikuti Kami:

KONTAK | PARTISIPASI | DONASI