Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sengko’ ngabassagi pole, pas nangale’e badha ketab gulungan se ngabber e bang-abang.

² Malaekat jareya mareksane apa se etangale’e sengko’. Sengko’ nyaot, "Ketab gulungan se ngabber e bang-abang. Lanjangngepon sangang meter, lebarrepon pa’ meter satengnga."

³ Malaekat jareya pas adhabu, "E ketab gulungan jareya badha tolesan parkara babaston ka nagara reya. E bagiyan se settong nyebbuttagi ja’ saneyap maleng epakalowara dhari nagara reya. Ban e bagiyan laenna badha tolesan se nyebbuttagi ja’ saneyap oreng se asompa palsu bakal epakalowara keya.

⁴ PANGERAN Se Mahakobasa adhabu ja’ babaston jareya eteba’agiya ka bengkona saneyap maleng ban bengkona saneyap oreng se asompa palsu. Ko-bengko jareya bakal terrosa katebanan babaston jareya sampe’ daddi jur-gujuran."

⁵ Malaekat jareya rabu pole pas adhabu, "Abassagi! Badha se dhateng pole!"

⁶ "Ponapa ka’dhissa’?" ca’na sengko’. Saodda, "Karanjang. Jareya parsemmonna dusana saantero nagara reya."

⁷ Karanjang jareya badha kodhungnga dhari tema. Teppa’na eabassagi bi’ sengko’, kodhungnga karanjang jareya abukka’ dibi’, e dhalemmanna badha oreng babine’ teppa’na toju’.

⁸ Malaekat jareya adhabu, "Babine’ jareya parsemmonna kajahadan." Babine’ jareya pas esothok pole ka dhalem karanjang ban karanjangnga laju ekodhunge pole.

⁹ Sengko’ adhanga, laju nangale’e badha babine’ kadhuwa ngabber ka tang kennengngan. Kalembangnga koko akantha kalembangnga dalko’. Karanjang gella’ laju ekala’ bi’ babine’ se kadhuwa jareya, pas egiba ngabber.

¹⁰ Sengko’ atanya ka malaekat jareya, "Ebakta ka ka’dhimma karanjang ka’dhissa’?"

¹¹ Saodda, "Ka Babil, e dhissa’ karanjang jareya egabayyagiya kowel. Mon kowella la mare, karanjangnga esaba’a e jadhiya esemba’a."

Zakharia

Video Zakharia 5

Ikuti Kami:

KONTAK | PARTISIPASI | DONASI